ହରଭଙ୍ଗା :୧୮/୦୬ (ଚିତ୍ତରଞ୍ଜନ ସିଂହ )ନେହେରୁ ଯୁବକେନ୍ଦ୍ର ବୌଦ୍ଧ ତରଫରୁ ହରଭଙ୍ଗା ବ୍ଲକ୍ ର ରାମଗଡ଼ ଠାରେ ଆଜି ମିଲେଟ୍ ମେଳା ଅନୁଷ୍ଠିତ ହୋଇଯାଇଛି। ଏହି ଅବସରରେ ପ୍ରତିଭାଗୀ ଭାବରେ ମହିଳା ଜନପ୍ରତିନିଧି,ସ୍ଵଂୟ ସହାୟକ ଗୋଷ୍ଠୀର ମହିଳା,ସ୍ଥାନୀୟ କିଶୋରୀ ବାଳିକା ଙ୍କ ସମତେ ଗ୍ରାମବାସୀ ଉପସ୍ଥିତି ଥିଲେ।
ମୁଖ୍ୟ ଅଥିତି ଭାବରେ ରାମଗଡ଼ ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମତୀ ପ୍ରଭାସିନୀ ଯୋଶୀ ,ସମ୍ମାନିତ ଅତିଥି ଭାବରେ ସ୍ବେଚ୍ଛାସେବୀ ଅନୁଷ୍ଠାନ ଲୋକ କଳା ବିକାଶ କେନ୍ଦ୍ର ର କାର୍ଯ୍ୟକ୍ରମ ସଂଯୋଜକ ପ୍ରତାପ ମେହେର ଏହି କାର୍ଯ୍ୟ କ୍ରମରେ ଯୋଗ ଦେଇଥିଲେ। ପ୍ରଥମେ ସମସ୍ତଙ୍କୁ ନେଇ ଏକ ସଭା ଅନୁଷ୍ଠିତ ହୋଇଥିଲା।
ସଭାରେ ମିଲେଟ୍ ର ଉପକାରିତା ଏବଂ ଆବଶ୍ୟକତା ଉପରେ ଅତିଥି ମାନେ ମତାମତ ରଖୁଥଲେ। ଏହି ମେଳା ରେ ମିଲେଟ୍ ତିଆରି ବିଭିନ୍ନ ଖାଦ୍ୟ ସାମଗ୍ରୀ ,ବିଭିନ୍ନ ପ୍ରକାରର ମିଲେଟ୍ ଜାତୀୟ ଖାଦ୍ୟ ଶସ୍ୟ ର ପ୍ରଦର୍ଶନୀ ହୋଇଥିଲା। କାର୍ଯ୍ୟକ୍ରମକୁ ନେହେରୁ ଯୁବ କେନ୍ଦ୍ର ବୌଦ୍ଧ ର ଜାତୀୟ ଯୁବ ସ୍ଵେଚ୍ଛାସେବୀ ସଂଯୋଜନା କରିଥିଲେ।
