ଟିଟିଲାଗଡ଼:( ସଞ୍ଜୟ କୁମାର ନାୟକ)ଟିଟିଲାଗଡ ପୌରପରିଷଦ ୱାର୍ଡ ନମ୍ବର ୧୨ ଅନ୍ତର୍ଗତ ଝ।ଙ୍କର ପଡ଼ାରେ ରହୁଥିବା ଜଣେ ରେଳ ବିଭାଗ କର୍ମଚାରୀଙ୍କ ପରିବାର। ମା ପ୍ରେମଲତା ବେହେରା ଜଣେ ଗୃହିଣୀ, ବାପା ଜଣେ ରେଳବାଇ ଡ୍ରାଇଭର ( ଲୋକୋ ପାଇଲଟ ମେଲ ଏକ୍ସପ୍ରେସ) ଶ୍ରୀଯୁକ୍ତ ଯୁଧିଷ୍ଠିର ବେହେରା, ତାଙ୍କର ଗୋଟିଏ ଝିଅ ଏବଂ ଗୋଟିଏ ପୁଅ। ପୁଅ ନିହାର ରଞ୍ଜନ ବେହେରା ଚଳିତ ବର୍ଷ ନିଟ ଏଣ୍ଟ୍ର।ନଶ ପରୀକ୍ଷାରେ ୭୨୦ ମାର୍କରୁ ୬୫୫ ମାର୍କ ରଖି ଅଲ୍ ଇଣ୍ଡିଆ ରେଙ୍କ ୫୭୯୭ ହାସଲ କରିଛନ୍ତି।
ଏହି ଖବର ପ୍ରଚାରିତ ହେବା ପରେ ସହରବାସୀ ତଥା ଶୁଭେଚ୍ଛୁଙ୍କ ସୁଅ ଛୁଟିଛି ନିହାରଙ୍କ ପାଇଁ। ନିହାର ଟିଟିଲାଗଡ ପ୍ରଭାବତୀ ପବ୍ଲିକ ସ୍କୁଲରେ ପାଠ ପଢି ଦଶମ ଶ୍ରେଣୀରେ ୮୫ ପ୍ରତିଶତ ମାର୍କ ରଖି ଯୁକ୍ତ ଦୁଇ ପଢ଼ିବା ପାଇଁ ଭୁବନେଶ୍ୱର ସ୍ଥିତ ଏଲେନ୍ ଇନଷ୍ଟିଚ୍ୟୁଟରେ ନାମ ଲେଖାଇଥିଲେ । ସେଠାରେ ପଢି ପରୀକ୍ଷାରେ ୯୦ ପ୍ରତିଶତ ମାର୍କ ରଖିଥିଲେ।
ଚଳିତ ବର୍ଷ ନୀଟ ଏଣ୍ଟ୍ରାନସରେ ସଫଳତା ହାସଲ କରି ଟିଟିଲାଗଡ ସହର ପାଇଁ ଗୌରବ ଅର୍ଜନ କରିଛନ୍ତି। ମା,ବାପାଙ୍କ ଇଛା ଥିଲା ବଡ଼ ହୋଇ ନିହାର ଜଣେ ଭଲ ଡାକ୍ତର ହୁଅନ୍ତୁ। ନିହାର ଛୋଟ ବେଳୁ ବକ୍ତୃତା, ପ୍ରବନ୍ଧ,ସାଧାରଣ ଜ୍ଞାନ ପ୍ରତିଯୋଗିତାରେ ବହୁତ ପୁରସ୍କାର ପାଇଥିବା ବେଳେ ବେଡମିଣ୍ଟନ ଖେଳରେ ଉପଖଣ୍ଡ ସ୍ତରୀୟଠୁ ରାଜ୍ୟ ସ୍ତରୀୟ ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ। ଆଗକୁ ଜଣେ ଭଲ ନ୍ୟୁରୋ ସର୍ଜନ ଡାକ୍ତର ହେବାର ଲକ୍ଷ୍ୟ ରଖିଛନ୍ତି ନିହାର।
