ଯାଜପୁର :(ଆନନ୍ଦ ଚନ୍ଦ୍ର ସାହୁ )ଯାଜପୁର ଦଶରଥପୁର ବ୍ଲକ ବିରଜାପୁର ଗ୍ରାମର ରାହାସ ମଣ୍ଡପରେ ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ବିରଜାକୃପା ସାହିତ୍ୟ ପରିବାର ପକ୍ଷରୁ କବିତା ଆସର ଓ ରଜ ଉତ୍ସବ ପାଳନ ଅନୁଷ୍ଠିତ ହୋଇଯାଇଛି।
ପଣ୍ଡିତ ଭୂପତି ଭୂଷଣ ମିଶ୍ରଙ୍କ ସଭାପତିତ୍ୱରେ ଉତ୍ସବରେ ମୁଖ୍ୟ ଅତିଥି ଭାବେ ସ୍ୱାମୀ ନିଗମାନନ୍ଦ ଧାର୍ମିକ ଅନୁଷ୍ଠାନର ରାଜ୍ୟ ସମ୍ପାଦକ ଦେବ କୁମାର ରାଉତରାୟ,ସମ୍ମାନୀତ ଅତିଥି ଭାବେ ଯାଜପୁର ରୋଟାରୀ କ୍ଲବର ସଭାପତି ବଳରାମ ମହାନ୍ତି, ମୁଖ୍ୟବକ୍ତା ଭାବେ ସାହିତ୍ୟିକ ଅନିଲ କୁମାର ମହାନ୍ତି ପ୍ରମୁଖ ଯୋଗଦେଇଥିଲେ।
ଏହି ପରିପ୍ରେକ୍ଷୀରେ ଅନୁଷ୍ଠାନର ଉପଦେଷ୍ଟା କବୟିତ୍ରୀ ବିନୋଦିନୀ ଦାଶଙ୍କ ସ୍ୱରଚିତ କବିତା ପୁସ୍ତକ “ମନ ମନ୍ଦିର”ର ଶୁଭ ଉନ୍ମୋଚନ କରିବା ସହିତ ରଜପର୍ବକୁ ମନଭରୀ ଉପଭୋଗ କରିବା ପାଇଁ ପରିବାର ତରଫରୁ ପୋଡିପିଠା ଓ ପାନ ଭଙ୍ଗାର ଏକ ସୁନ୍ଦର ପ୍ରତିଯୋଗିତା ମଧ୍ୟ କରାଯାଇଥିଲା। ପରିଶେଷରେ କବି ଜିତେନ୍ଦ୍ର କୁମାର ବେହେରା ଓ କବି ଗଣେଶ୍ୱର ବେହେରାଙ୍କ ସଂଯୋଜନାରେ ବହୁ କବି ଓ କବୟିତ୍ରୀ ସ୍ୱରଚିତ କବିତାପାଠ କରିଥିଲେ।
