ହରଭଙ୍ଗା: ୧୭/୦୬ (ଚିତ୍ତରଞ୍ଜନ ସିଂହ) ବୌଦ୍ଧ ଜିଲ୍ଲା ହରଭଙ୍ଗା ତହସିଲ ରେ ତତ୍କାଳୀନ ତହସିଲଦାର ଶମ୍ଭୁ ଭୂଷଣ ମିଶ୍ର ଙ୍କ ବଦଳି ପରେ ଦୀର୍ଘ ଦିନ ହେଲା ଉକ୍ତ ପଦବୀ ଖାଲି ପଡ଼ିଥିଲା । ଏପରିକି ଅତିରିକ୍ତ ତହସିଲଦାର ବିଶ୍ୱଜିତ ପ୍ରଧାନ ଙ୍କୁ ତହସିଲଦାର ଭାବେ କାର୍ଯ୍ୟଭାର ଦିଆଯାଇଥିଲା । ଏନେଇ ଶୁକ୍ରବାର ଦିନ ଦେବଗଡ଼ ଜିଲ୍ଲାପାଳ କାର୍ଯ୍ୟାଳୟ ରେ କାର୍ଯ୍ୟରତ ଥିବା ସୁଶ୍ରୀ ଶିବାନୀ ଦାସ ହରଭଙ୍ଗା ତହସିଲଦାର ଭାବେ କାର୍ଯ୍ୟ ରେ ଯୋଗଦାନ କରିଛନ୍ତି ।
ଏନେଇ ତହସିଲଦାର ଙ୍କ ଯୋଗଦାନ ପରେ ଠିଡିକାଜୋର ରଥ ମହୋତ୍ସବ କମିଟି ପକ୍ଷରୁ ତହସିଲଦାର ଙ୍କୁ ଶୁଭେଚ୍ଛା, ସ୍ୱାଗତ ଜଣାଇଥିବା ବେଳେ ଶନିବାର ଦିନ ଓଡିଶା ସାମ୍ବାଦିକ ସଙ୍ଘ ବୌଦ୍ଧ ଜିଲ୍ଲା ଶାଖା ପକ୍ଷରୁ ମଧ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇବା ସହ ଜିଲ୍ଲା ର ଅଧିଷ୍ଠାତ୍ରୀ ଦେବି ମାଁ ଭୈରବୀ ଙ୍କ ଫୋଟ ପ୍ରତିଛବି କୁ ସଙ୍ଘ ପକ୍ଷରୁପ୍ରଦାନ କରାଯାଇଥିଲା ।
ପରେ ତହସିଲଦାର ସାମ୍ବାଦିକ ମାନଙ୍କ ସହ ତହସିଲ ର ବିଭିନ୍ନ ସମସ୍ୟା ଉପରେ ଆଲୋଚନା କରିବା ସହ ନୂତନ ତହସିଲଦାର ଙ୍କୁ ତହସିଲ ର ବିଭିନ୍ନ ଉନୟନ ମୂଳକ କାର୍ଯ୍ୟ ର ଅଗ୍ରଗତୀ ପାଇଁ ଦୃଷ୍ଟି ଆକର୍ଷଣ ମଧ୍ୟ କରିଥିଲେ । ଏହି କାର୍ଯ୍ୟକ୍ରମ ରେ ବରିଷ୍ଠ ସାମ୍ବାଦିକ ସୁକାନ୍ତ ପଟ୍ଟନାୟକ ଙ୍କ ସମେତ ସଙ୍ଘ ର ସମ୍ପାଦକ ଭାଗବତ ମେହେର, ରାଜ୍ୟ କାର୍ଯ୍ୟକାରେଣୀ ସଦସ୍ୟ ବିଭୁଦତ୍ତ ବୋଷ, ବାସୁଦେବ ସାହୁ, ସୁଶାନ୍ତ ବେହେରା, କୁମୁଦ ସାହୁ ପ୍ରମୁଖ ଉପସ୍ଥିତ ଥିଲେ।
