କର୍କଟ ରୋଗୀ ଙ୍କ ସଚେତନତା ସହ ଗରିବ ଲୋକ ଙ୍କୁ ଦେଉଛନ୍ତି ମାଗଣା ପରାମର୍ଶ
ଭୁବନେଶ୍ବର/ବଲାଙ୍ଗୀର:(ନରେନ୍ଦ୍ର ନେଗୀ) ବର୍ତ୍ତମାନ ପଶ୍ଚିମ ଓଡ଼ିଶା ପାଲଟିଛି କର୍କଟ ରୋଗ ର ଭୁସ୍ଵର୍ଗ l ସଚେତନତା ଅଭାବ ଯୋଗୁଁ ଏହି ରୋଗରେ ଆକ୍ରାନ୍ତଙ୍କ ସଂଖ୍ୟା ଦିନ କୁ ଦିନ ବଢିବା କୁ ଲାଗୁଛି l ଏହି ପରିସ୍ଥିତି ରେ କଣ୍ଟାବାଞ୍ଜି ର ଡ଼ାକ୍ତର ଆଶୁତୋଷ ଦାସ ଶର୍ମା କର୍କଟ ରୋଗ ବିଶେଷଜ୍ଞ ଏହି ରୋଗୀଙ୍କ ପାଇଁ ସାଜିଛନ୍ତି ଦେବଦୁତ l କଣ୍ଟାବାଞ୍ଜି ର ପ୍ରଖ୍ୟାତ ଓକିଲ ବିଷ୍ଣୁ ପ୍ରସାଦ ଶର୍ମା ଙ୍କ ଜ୍ୟେଷ୍ଠ ପୁତ୍ର ଅଟନ୍ତି ଡାକ୍ତର ଆଶୁତୋଷ, କଣ୍ଟାବାଞ୍ଜି ସରକାରୀ ହାଇସ୍କୁଲରେ ଅଧ୍ୟୟନ କରି ବାଙ୍ଗାଲୋର ମେଡିକାଲ କଲେଜ ଓ ରିସର୍ଚ୍ଚ ରୁ ୨୦୦୭ ମସିହା ରେ ଏମବିବିଏସ ପାସ୍ କରିଥିଲେ ।
ଏହାପରେ ୨୦୧୪ ରେ ଗୁଜରାଟର ଅହମଦାବାଦ କ୍ୟାନ୍ସର ରିସର୍ଚ୍ଚ ସନ୍ସ୍ଥାରୁ ରୁ କର୍କଟ ରୋଗରେ ଏମ୍ ଡି ହୋଇ ଟାଟା ମେମୋରିଆଲ ହସପିଟାଲ ମୁମ୍ବାଇ ରେ ୨ ବର୍ଷ ପ୍ରସିକ୍ଷୁ ଚିକିତ୍ସକ ହୋଇ କାର୍ଯ୍ଯ କରିଥିଲେ। ଏହା ସହ ରାୟପୁର ଛତିଶଗଡ ବାଲକୋ କ୍ୟାନ୍ସର ହସପିଟାଲ ରେ ସେବା ଦେଲା ପରେ ବର୍ତ୍ତମାନ ଏନଏଚଏମଏମଆଇ ନାରାୟନା ରାୟପୁର ରେ ଚାକିରି କରୁଛନ୍ତି ।ହେଲେ ପଶ୍ଚିମ ଓଡ଼ିଶା ର ସମସ୍ତ କୌଣସି ଲୋକଙ୍କୁ କର୍କଟ ରୋଗ ପାଇଁ ସହଯୋଗ କରିଥିବା ନଜିର ରହିଛି ।
ଗରିବ ଲୋକ ଙ୍କୁ ମାଗଣା ପରାମର୍ଶ ଦିଅନ୍ତି ଡାକ୍ତର ଆଶୁତୋଷ ସମୟ ସମୟ ରେ ନିଜ ଜନ୍ମମାଟି କଣ୍ଟାବାଞ୍ଜି ରେ ମାଗଣା ପରାମର୍ଶ ଶିବିରରେ ଯୋଗ ଦେବା ସହବିଭିନ୍ନ ଅନୁଷ୍ଠାନ ରେ ମାଗଣା ସଚେତନତା କାର୍ଯ୍ୟକ୍ରମ ରେ ଯୋଗ ଦିଅନ୍ତି। ଏପରି କି କୌଣସି ଆୟୋଜନ ପାଇଁ ନିଜର କୌଣସି ଫିସ ନିଅନ୍ତି ନାହିଁ । ଏହା ସହ କେମିତି ଲୋକ ଭଲ ଚିକିତ୍ସା କରାଇ ପାରିବେ ସେଥିପାଇଁ ସବୁ ବେଳେ ଚେଷ୍ଟା କରନ୍ତି।ତାଙ୍କ କହିବା ଅନୁଯାୟୀ ଧୁମ୍ରପାନ, ସଚେତନତା ଅଭାବ, ଅନିୟନ୍ତ୍ରିତ ଖାଦ୍ୟ, ଜୀବନଶୈଳୀ ର ଅସନ୍ତୁଳନ ଯୋଗୁଁ ଏହି ରୋଗରେ ଆକ୍ରାନ୍ତଙ୍କ ସଂଖ୍ୟା ବଢୁଛି ।
ବର୍ତ୍ତମାନ ମଧ୍ୟ ଆମର ପଶ୍ଚିମ ଓଡ଼ିଶା କର୍କଟ ରୋଗ ଚିକିତ୍ସା କ୍ଷେତ୍ରରେ ବହୁ ପଛରେ ରହିଛି ।”କଣ୍ଟାବାଞ୍ଜି ମୋ ଜନ୍ମମାଟି ଅଟେ ଏବଙ୍ଗ ଏହା ସହ ପଶ୍ଚିମ ଓଡ଼ିଶା ଲୋକ ଙ୍କ ପାଇଁ ଯଦି ମୁଁ କିଛି କରି ପାରେ ଏହା ମୋ ପାଇଁ ବହୁ ଗର୍ବ ର ବିଷୟ” ବୋଲି ଡାକ୍ତର ଆଶୁତୋଷ ନିଜ ପ୍ରତିକ୍ରିୟା ରଖିଛନ୍ତି । ଡାକ୍ତର ଆଶୁତୋଷ ଙ୍କ ଏହି ସେବା ମନୋଭାବ କୁ କଣ୍ଟାବାଞ୍ଜି ବାସୀ ଭୁରି ଭୁରି ପ୍ରସଂଶା କରୁଥିବା ବେଳେ ପଶ୍ଚିମ ଓଡ଼ିଶାର ବହୁ ଅନୁଷ୍ଠାନ ତାଙ୍କ ଏହି ସେବା ମନୋଭାବ ପାଇଁ ତାଙ୍କୁ ସମ୍ବର୍ଦ୍ଧିତ କରିଛନ୍ତି l
