ହରଭଙ୍ଗା :(ଚିତ୍ତରଞ୍ଜନ ସିଂହ) ସରକାର ବନ୍ୟ ପ୍ରାଣୀ ଙ୍କ ସୁରକ୍ଷା ନେଇ ସର୍ବଦା ତତ୍ପର ରହୁଥିବା ବେଳେ ଶନିବାର ଦିନ ମହାନଦୀ ବନ୍ୟ ପ୍ରାଣୀ କୁସଙ୍ଗ ରେଞ୍ଜ ବନ୍ୟପ୍ରାଣୀ ଅଭ୍ୟାରଣ୍ୟ ଭିତରେ ବିଭାଗୀୟ କର୍ମଚାରୀଙ୍କ ଦ୍ୱାରା ବାଘ ଗଣନା ସହ ମାଂସାସୀ ଓ ତୃଣ ଭୂଜିଯିବଯନ୍ତୁ ଅନ୍ୟପଟେ ବୃକ୍ଷଳତା ଗୁଳ୍ମ ଅନାବନା ଘାସ ଆଦି ସର୍ଭେ କାର୍ଯ୍ୟ ଆରମ୍ଭ ହୋଇଥିବା ଜଣାପଡିଛି l ସୂଚନା ମତେ ଉକ୍ତ ଅଭ୍ୟାରଣ୍ୟ ର୧୧ ଟି ବିଟ କୁସଙ୍ଗ, ନଣ୍ଡାଗାଡୁ, ଶ୍ରୀପାଜୁ, ପଦ୍ମତୋଳା, ସିମିଗୁଡା, କୁମାରୀ, ଅତଲସରା, ସୁନା ଖଣିଆ, ମାରଡ଼ା, ଲେନ୍ଦ୍ରା କେଜୁ, ହିଞ୍ଜଳ ଆଦି ଅଭ୍ୟାରଣ୍ୟ ଅଞ୍ଚଳ ରେ 33ଜଣ ଫରେଷ୍ଟର, ଫରେଷ୍ଟ ଗାର୍ଡ ଓ ସ୍କୁଆଡ଼ କର୍ମଚାରୀ ମାନେ ମିଳିତ ଭାବେ ଗଣନା କାର୍ଯ୍ୟ ରେ ନିୟୋଜିତ ଥିବା ବିଭାଗ ପକ୍ଷରୁ ଜଣାପଡିଛି l ଗଣନା କାର୍ଯ୍ୟ କୁ ନେଇ ଯିବ ଜନ୍ତୁର ପାଦ ଚି଼ହ୍ନ କୁ ସୁବିଧା ରେ ଜାଣିବା ପାଇଁ ଅଭ୍ୟାରଣ୍ୟ ଭିତରେ ୧୬୫ଟି (ପି, ଆଇ. ପି ) ଗାତ ଖୋଳା ଯାଇଛି l ଯାହାଦ୍ୱାରା କି ଜୀବଜନ୍ତୁ ମାନେ ଜଙ୍ଗଲ ମଧ୍ୟରେ ଯାତାୟାତ ସମୟ ରେ ଏହି ଗାତ ଉପରେ ପାଦ ଚିହ୍ନ ରହିଥାଏ l ଅନ୍ୟପଟେ ତୃଣ ଭୂଜି ପ୍ରାଣୀ ମାନଙ୍କ ପାଇଁ ୧୧ ଗୋଟି ବିଟ ରେ ୧୧ ଟି ଟ୍ରାନଜକ ଲାଇନ ଚିନ୍ହଟ ପାଇଁ ବ୍ୟବସ୍ତା କରାଯାଇଛି l
ପ୍ରତି ଟ୍ରାନଜକ ଲାଇନ ରେ ସିସିଟିଭି ଲଗାଇବା ସହ ଅଭ୍ୟାରଣ୍ୟ ପ୍ରାଣୀ ଙ୍କ ଗତି ଵିଧି ଉପରେ ନଜର ରଖିଛି l ଏହି ଗଣନା ଟି୧୭ ରୁ ୧୯ ତିନିଦିନ ମାଂସାସୀ ଓ ତୃଣଭୂଜି ପ୍ରାଣୀ ଙ୍କ ପାଇଁ ହୋଇଥିବା ବେଳେ ୨୦ ତାରିଖରୁ ୨୨ ତାରିଖ ତିନିଦିନ ତୃଣ ଭୂଜି ପ୍ରାଣୀ, ସହ ବୃକ୍ଷଳତା, ଗୁଳ୍ମ, ଅନାବନାଘାସ ଇତ୍ୟାଦି ସର୍ଭେ କରାଯିବ l ବିଶେଷ କରି ବର୍ତମାନ ଗ୍ରୀଷ୍ମ ଋତୁ ହୋଇଥିବାରୁ ଯିବ ଜନ୍ତୁ ମାନେ ପାଣି ପାଇଁ ମହାନଦୀ କୂଳକୁ ପିଇବା ପାଇଁ ଆସୁଥିବା ବେଳେ ଜୀବଜନ୍ତୁ ଙ୍କ ପାଦ ଚିହ୍ନ ନଦୀ ବାଲିପଠା ଉପରେ ପଡ଼ିଥିବା ରୁ ଗଣନା କାର୍ଯ୍ୟ ରେ ତାହା ମଧ୍ୟ ଆମକୁ ସହାୟକ ହେବ ବୋଲି ବିଭାଗ ପକ୍ଷରୁ କୁହାଯାଇଛି l ଅନ୍ୟପଟେ ବର୍ତମାନ ୬ ଦିନ ଧରି ଗଣନା କାର୍ଯ୍ୟ ଚାଲୁଥିବାରୁ ଅଭ୍ୟାରଣ୍ୟ ର ଶୀତଳ ପାଣି ଠାରୁ ବଡ଼ମୂଳ ପର୍ଯ୍ୟନ୍ତ ଯିବା ଆସିବା ବନ୍ଦ ରହିବ ବୋଲି କୁସଙ୍ଗ ବନ୍ୟ ପ୍ରାଣୀ ରେଞ୍ଜ ଅଧିକାରୀ ଲକ୍ଷ୍ମୀ ନାରାୟଣ ପଣ୍ଡା ସୂଚନା ଦେଇଛନ୍ତି l
