ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ସହରର ଉଦୟ ନଗରରୁ ଚୋରି l ସିସିଟିଭି ରେ କଏଦ ହେଲା ଚୋରଙ୍କ କାରନାମା । ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟ ସମ୍ମୁଖ ଉଦୟନଗରରୁ ଗତ ରାତିରେ ଚୋରି ହୋଇଥିବା ନେଇ ସୋନପୁର ଥାନାରେ ଅଭିଯୋଗ ହୋଇଛି । ରାତିରେ ଉଦୟନଗରର ସଞ୍ଜିବ କୁମାର ପାଣିଗ୍ରାହୀଙ୍କ ଘରେ ପରିବାର ଲୋକେ ସମସ୍ତେ ଶୋଇଥିଲେ ।
ସକାଳୁ ଶ୍ରୀ ପାଣିଗ୍ରାହୀ ଉଠି ନିତ୍ୟକର୍ମ କରି ଯିବା ସମୟରେ ତାଙ୍କ ଆଲମିରା ଖୋଲାଥିବା ଦେଖିଥିଲେ । ବାହାରକୁ ଯାଇ ଦେଖିଲା ବେଳକୁ ଗ୍ରୀଲ ମଧ୍ୟ ଭଙ୍ଗା ହୋଇଥିଲା । ଘରକୁ ଆସି ଭିତରେ ଦେଖିବାରୁ ତାଙ୍କ ଆଲମାରିରେ ପ୍ରାୟ ୨୦ ହଜାର ଟଙ୍କା ଓ ୫ ଭରି ସୁନା ନ ଥିବା ଜାଣିବାକୁ ପାଇଥିଲେ । ଏନେଇ ସେ ସୋନପୁର ଥାନାରେ ଲିଖିତ ଅଭିଯୋଗ କରିଛନ୍ତି ।
ପୋଲିସ ପକ୍ଷରୁ ଏକ ମାମଲା ରୁଜୁ କରି ଘଟଣା ସ୍ଥଳକୁ ଯାଇ ନିକଟରେ ଲାଗିଥିବା ସିସିଟିଭି ଫୁଟେଜକୁ ଦେଖିଥିଲା । ସିସିଟିଭି ଫୁଟେଜରେ ଦୁଇ ଜଣ ଚୋର ଥିବା ସ୍ପଷ୍ଟ ଦେଖା ଯାଇଥିବାବେଳେ ଜଣେ ଚୋର ମୁହଁ ଢାଙ୍କି ଦେଇ ଥିବା ଦେଖିବାକୁ ମିଳିଛି । ସୋନପୁର ପୋଲିସ ଏନେଇ ତଦନ୍ତ ଆରମ୍ଭ କରିଛି । ଏସପି ଙ୍କ କାର୍ଯ୍ୟାଳୟ ସମ୍ମୁଖରେ ଏହି ଚୋରି ହୋଇଥିବାରୁ ପୋଲିସ ପାଇଁ ଚୋର କୁ ଧରିବା ପାଇଁ ଏକ ଚେଲେଞ୍ଚ ହୋଇଛି l
