ରଜ ସଂକ୍ରାନ୍ତି ଅବସରରେ ବନଦୁର୍ଗା ବରିଷ୍ଠ ନାଗରିକ ଗୃହ ର ଅନ୍ତେବାସୀ ଙ୍କ ସହ ହସ, ଖୁସି ରେ ସାମିଲ ହୋଇଥିଲେ ଆର୍ଟ ଅଫ ଲିଭିଙ୍ଗ “ହ୍ୟାପିନେସ ପ୍ରୋଗ୍ରାମ ” ର ସଦସ୍ୟ, ସଦସ୍ୟl l

ବୌଦ୍ଧ:( ଚିତ୍ତରଞ୍ଜନ ସିଂହ)ଗତକାଲି ରଜ ସଂକ୍ରାନ୍ତି ଅବସରରେ ଆର୍ଟ ଅଫ ଲିଭିଂ ର ସଦସ୍ୟl ତଥା କେନ୍ଦ୍ରୀୟ ବିଦ୍ୟାଳୟ ର ଅଧ୍ୟକ୍ଷl ରାଜଲକ୍ଷ୍ମୀ ବିଶ୍ୱାଳ, ସଦସ୍ୟ ବିଜୟ କୁମାର ପ୍ରଧାନ, ଯୋଗ ଶିକ୍ଷ୍ୟୟତ୍ରୀ ସୁନିତା ଦାଶ, ମୁକ୍ତେଶ୍ଵର ସାହୁ ହରଭଙ୍ଗା ବ୍ଲକ, ଝାଡ଼ରାଜିଙ୍ଗ ର ବରିଷ୍ଠ ନାଗରିକ ଗୃହ “ବନଦୁର୍ଗା ” ରେ ଦିବା ୧୨ ଘଟିକା ସମୟରେ ପହଂଚିଥିଲେ l ସେଠାରେ ବନଦୁର୍ଗା ର ଅନ୍ତେବାସୀ ମାନଙ୍କ ସହିତ ବାର୍ତ୍ତାଳାପ କରିଥିଲେ ଏବଂ ସେମାନଙ୍କ ସୁବିଧା, ଅସୁବିଧା ବୁଝିଥିଲେ l ସେଠାରେ ସମସ୍ତ କକ୍ଷ ବୁଲି ଦେଖିଥିଲେ l ଅନ୍ତେବାସୀ ଙ୍କୁ ଫଳ, ପିଠା, ବସ୍ତ୍ର ବଣ୍ଟନ କରିଥିଲେ l ଅତିଥିଭାବେ ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ତଥା ଜ଼ିଲ୍ଲା ସଂସ୍କୃତି ଅଧିକାରୀ ରିତାକାନ୍ତି ବଳିୟାର ସିଂହ ଯୋଗ ଦେଇଥିଲେ l

ଏହି ଅବସରରେ ଅନ୍ତେବାସୀ ଙ୍କ ସହ ନୃତ୍ୟ, ଗୀତ, ଭଜନ, କୀର୍ତ୍ତନ ରେ ସମସ୍ତେ ମସଗୁଲ ରହିଥିବା ବେଳେ ସେଠାରେ ଏକ ଉତ୍ସବ ର ମାହୋଲ ସୃଷ୍ଟି ହୋଇଥିଲା l ଅନ୍ତେବାସୀ ମାନେ ସଂଗୀତ ପରିବେଷଣ କରିଥିଲେ l ବୃଦ୍ଧା “ଗୀତା ସାହୁ ” ନିଜର ସୁ ମଧୁର କଣ୍ଠ ରେ ଗୀତ ଗାଇଥିଲେ, ଯାହାକି ଅତିଥି ଙ୍କ ମନ ମୁଗ୍ଧ କରିଥିଲା l ଗ୍ରୀଷ୍ମ ର ପ୍ରଖର ତାତି ରେ ମଧ୍ୟ ସମସ୍ତ ଅନ୍ତେବାସୀ (୩୦ ଜଣ ) ଧର୍ଯ୍ୟ ର ସହ ଉପସ୍ଥିତ ରହି ଅତିଥି ମାନଙ୍କ ସହ ନୃତ୍ୟ, ଗୀତ ରେ ମଜ୍ଜି ଯାଇ ଭୋକ ଶୋଷ ଭୁଲି ଯାଇଥିଲେ l

ବନଦୁର୍ଗା ର ସଂଯୋଜକ ସନ୍ତୋଷ କୁମାର ରାଉତ, ଏମ. ଟି. ଏସ. ପ୍ରତିମା ମହାପାତ୍ର ମଧ୍ଯ ଉପସ୍ଥିତ ରହି ସେମାନଙ୍କୁ ଉତ୍ସାହିତ କରିଥିଲେ l ସଦସ୍ୟl ରାଜଲଷ୍ମୀ ବିଶ୍ୱାଲ ଗଣେଷ ଙ୍କ ବନ୍ଦନା ସହ ଗୁରୁ ବନ୍ଦନା ଗାନ କରିଥିଲେ l ଯାହାକି ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହେବା ସହ ଅନ୍ତେବାସୀ ଙ୍କ ଖୁସି କୁ ଦ୍ବିଗୁଣିତ କରିଥିଲା l ଶେଷରେ ସଦସ୍ୟl ସୁନିତା ଦାଶ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ଏବଂ ଅନ୍ତେବାସୀ ମାନେ ଅତିଥି ମାନଙ୍କୁ ବିଦାୟ ଦେଇଥିଲେ l