ବୌଦ୍ଧ:(ଚିତ୍ତରଞ୍ଜନ ସିଂହ)ବୌଦ୍ଧ ସଦର ବ୍ଳକ ଅନ୍ତର୍ଗତ ଗନ୍ଧରାଡିର ଐତିହାସିକ ଚାରିଶମ୍ଭୁ ପୀଠ ସହିତ ବିଭିନ୍ନ ଅଂଚଳର ଉନ୍ନତି କରଣ ପାଇଁ ଆଜି ଜିଲ୍ଲାପାଳ କ୍ଷେତ୍ର ପରିଦର୍ଶନ କରିଛନ୍ତି । ଆଜି ଜିଲ୍ଲାପାଳ ସତ୍ୟରଂଜନ ସାହୁ ଚାରିଶମ୍ଭୁ ପୀଠ ପରିଦର୍ଶନ କରିଛନ୍ତି । ଚାରିଶମ୍ଭୁ ପୀଠରେ କଲ୍ୟାଣ ମଣ୍ଡପ ନିର୍ମାଣ, ଭୋଗ ମଣ୍ଡପ ନିର୍ମାଣ ସହ ଅନ୍ୟାନ୍ୟ ଉନ୍ନୟନ ପ୍ରକଳ୍ପ ନେଇ ମନ୍ଦିର କମିଟି ସଦସ୍ୟଙ୍କ ସହ ଆଲୋଚନା କରିଥିଲେ । ଏହା ସହ କଲ୍ୟାଣ ମଣ୍ଡପ ନିର୍ମାଣ, ଭୋଗ ମଣ୍ଡପ ନିର୍ମାଣ ସହ ଅନ୍ୟାନ୍ୟ ଉନ୍ନୟନ ପ୍ରକଳ୍ପ ନେଇ ଜାଗା ଚିହ୍ନଟ କରାଯାଇଥିଲା ।
ବୌଦ୍ଧ ଜିଲ୍ଲାର ଲୋକକଳା ଗ୍ରାମ ଭାବେ ପରିଚିତ ନାରାୟଣ ନଗର ଗ୍ରାମର ବୁଣାକାରମାନଙ୍କ ସହ ସରକାରୀ ଯୋଜନା ନେଇ ଆଜି ଜିଲ୍ଲାପାଳ ଆଲୋଚନା କରିଛନ୍ତି । ଜିଲ୍ଲାପାଳ ସତ୍ୟରଂଜନ ସାହୁ ଲୋକକଳା ଗ୍ରାମ ନାରାୟଣ ନଗର ପରିଦର୍ଶନ କରି ଗ୍ରାମର ବୁଣାକାରମାନଙ୍କ ସହ ସେମାନେ ପାଉଥିବା ବିଭିନ୍ନ ସରକାରୀ ଯୋଜନା ନେଇ ଆଲୋଚନା କରିଥିଲେ । ଏହା ସହ ବୁଣାକାରମାନଙ୍କ କାମ, ବ୍ୟବସାୟ, ଲୁଗା ବୁଣା ନେଇ ରହିଥିବା ବିଭିନ୍ନ ସୁବିଧା ଅସୁବିଧା ପଚାରୀ ବୁଝିଥିଲେ । ଜହ୍ନାପଂକ ଗ୍ରାମ ଠାରେ ଥିବା ନବନିର୍ମିତ କୋଠାକୁ ପୋଲିସ ଫାଣ୍ଡି ତୁରନ୍ତ ସ୍ଥାନାନ୍ତର କରିବାକୁ ଆଜି ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।
ନବନିର୍ମିତ କୋଠାକୁ ପୋଲିସ ଫାଣ୍ଡି ସ୍ଥାନାନ୍ତର ପୂର୍ବରୁ କୋଠାର ଉନ୍ନୟନ ଏବଂ ଅନ୍ୟାନ୍ୟ ସୁବିଧା ଯୋଗାଇ ଦେବାକୁ ଜିଲ୍ଲାପାଳ କହିଛନ୍ତି । ଜହ୍ନାପଂକ ଗ୍ରାମ ଠାରେ ଦିର୍ଘଦିନ ଦିନ ହେଲା ବନ୍ଦ ହୋଇ ପଡି ରହିଥିବା ପ୍ରାଥମିକ ବିଦ୍ୟାଳୟ କୋଠାର ସଦ୍ ବିନିଯୋଗ କରାଯିବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି । ଏହାସହ ଗ୍ରାମରେ ନୁତନ ଅଙ୍ଗନବାଡି କେନ୍ଦ୍ର ନିର୍ମାଣ ପାଇଁ ଜାଗା ଚିହ୍ନଟ କରାଯାଇଥିଲା । ଜିଲ୍ଲାପାଳଙ୍କ ଏହି ଗସ୍ତ ସମୟରେ ବୌଦ୍ଧ ବିଡିଓ ଅବିନାଶ ପାଣ୍ଡିଆ, ବ୍ଳକ ସହକାରୀ ନିର୍ବାହି ଯନ୍ତ୍ରୀ ସମ୍ବିତ ବିଶ୍ୱାଳ, ଯନ୍ତ୍ରୀ ମନୋଜ ବେହେରା, ପୂର୍ବତନ ସରପଂଚ ମନରଂଜନ ପୁରୋହିତ ଙ୍କ ସହ ବ୍ଲକ୍ ର ଅନ୍ୟ କର୍ମଚାରୀମାନେ ଉପସ୍ଥିତ ରହିଥିଲେ ।
