କେସିଙ୍ଗା:(ପ୍ରିତେଶ ପଟେଲ)କେସିଙ୍ଗା ବ୍ଲକ କଶୃପଡା ଗ୍ରାମରେ ଗତ ୨୨ ତାରିଖରୁ ଆରମ୍ଭ ହୋଇଥିବା ଭଗବାନ ଜଗନ୍ନାଥଙ୍କ ଭବ୍ୟ ମନ୍ଦିର ପ୍ରତିଷ୍ଠା ଦୀର୍ଘ ଆଠଦିନ ହେଲା ଚାଲିଥିଲା ଭଗବାନଙ୍କ ବିଭିନ୍ନ କାର୍ଯ୍ୟକ୍ରମ । ହେଲେ ସମଗ୍ର ଅଞ୍ଚଳ ବାସି ଜଗିବସିଥିଲେ ଆଜିର ଦିବସ କୁ । ମନ୍ଦିର ପ୍ରତିଷ୍ଠା ରେ ଯୋଗ ଦେବା ପାଇଁ ଗତ ରବିବାର ରାତ୍ର 9.00ଟା ସମୟରେ କେସିଙ୍ଗା ପହଞ୍ଚିଥିଲେ ଜଗତଗୁରୁ ଶଙ୍କରାଚାର୍ଯ୍ୟ ।
କେସିଙ୍ଗାତାଙ୍କ ଶିଷ୍ୟ ଶ୍ରୀ ଜୟଭାଗବନ ଜୈନ୍ ( ପପୁ) ଙ୍କ ଜନତା ରାଇସ ମିଲ ରେ ରାତ୍ରି ରହଣି କରି ଅଦ୍ୟ ସୋମବାର ସକାଳ 11ଟା ରୁ 2ଟା ପର୍ଯ୍ୟନ୍ତ ଭକ୍ତ ମାନଙ୍କୁ ଦର୍ଶନ ଦେଇଥିଲେ ଓ ସନ୍ଧ୍ୟା ୬ ଟା ସମୟରେ ଜଗତଗୁରୁ ପହଞ୍ଚିଥିଲେ କଶୃପଡା ଜଗନ୍ନାଥ ମନ୍ଦିର । ସେଠାରେ ଚତୁର୍ଦ୍ଧା ମୂର୍ତ୍ତିଙ୍କ ଙ୍କ ଦର୍ଶନ ସାରି ଧର୍ମସଭା ରେ ଯୋଗୋଦେଇଥିଲେ । ସେଠାରେ ହଜାର ହଜାର ଜନସମୁଦ୍ର ସମାଗମରେ ଅଞ୍ଚଳବାସୀ ଙ୍କୁ ହିନ୍ଦୁ ସନାତନ ଧର୍ମ ଜ୍ଞାନ ସଙ୍ଗେ ଅନେକ ସଦଜ୍ଞାନ ପ୍ରଦାନ କରିଥିଲେ । ସୂଚନା ମୁତାବକ ଉକ୍ତ ସମାରୋହ ରେ ପାଖାପାଖି ୨୦୦୦୦ ରୁ ଉର୍ଦ୍ଧ ଭକ୍ତ ଯୋଗଦେଇଥିଲେ ।
ଜଗତଗୁରୁ ଙ୍କ ଆଗମନ ସମୟରେ କେସିଙ୍ଗା ପୋଲିସ ଆଇ.ଆଇ.ସି ସତ୍ୟ ନନ୍ଦ ଙ୍କ ଅଧ୍ୟକ୍ଷତା ରେ କଡା ସୁରକ୍ଷା ପ୍ରଦାନ କରାଯାଇଥିଲା । ଉକ୍ତ ଧର୍ମସଭା ରେ କଳାହାଣ୍ଡି ସାଂସଦ ଶ୍ରୀ ବସନ୍ତ ପଣ୍ଡା , କେସିଙ୍ଗା ବ୍ଲକ ଅଧ୍ୟକ୍ଷ ଶ୍ରୀ ଚନ୍ଦନ ସେନାପତି ଓ କେସିଙ୍ଗା ଏନ୍ ଏ ସି ଅଧ୍ୟକ୍ଷ ନୂର୍ପରଜ୍ ଯାଦବ ଙ୍କ ସମେତ କେସିଙ୍ଗା ବ୍ଲକ୍ ର ଅନେକ ଉଦ୍ୟୋଗପତି ଏବଂ ଅଞ୍ଚଳର ଅନେକ ପ୍ରତିଷ୍ଠିତ ବ୍ୟକ୍ତି ଯୋଗ ଦେଇ ଜଗତଗୁରୁ ସଙ୍କରାଚାର୍ଯ୍ୟ ଆଶୀର୍ବାଦ ଗ୍ରହଣ କରିଥିଲେ ।
