ଭବାନୀପାଟଣା:(ଅର୍ଜୁନ ପଟ୍ଟନାୟକ)କଳାହାଣ୍ଡି ଜିଲ୍ଲା ଜୟପାଟଣା ଠାରେ ବହୁ ଆକାଙ୍ଖିତ ସିନିୟର ସିଭିଲଜଜ ତଥା ଅତିରିକ୍ତ ସେସନ୍ସଜଜ ଙ୍କ ଅଦାଳତ ଉଦଘାଟିତ ହୋଇଯାଇଛି। ଆଜି ଭରଚୁଆଲ ମୋଡ ମାଧ୍ୟମରେ ହାଇକୋର୍ଟ ର ମାନ୍ୟବର ମୁଖ୍ୟ ବିଚାରପତି ଏସ ମୁରଲୀଧର ଉଦଘାଟନ କରିଥିବା ବେଳେ ହାଇକୋର୍ଟ ର ମାନ୍ୟବର ମାନ୍ୟବର ବିଚାରପତି ବି. ରଥ, ଭର୍ଚୁଆଲ ମୋଡ ମଧ୍ୟରେ ଉପସ୍ଥିତ ଥିଲେ।
ଜୟପାଟଣା ଓକିଲ ସଙ୍ଗ ସଭାପତି ମନୋରଞ୍ଜନ ସିଂ ସମେତ ଜୟପାଟଣା ଓକିଲ ସଂଘ ର କର୍ମକର୍ତ୍ତା ଓ ସଭ୍ଯମାନେ ସକ୍ରିୟ ଅଂଶ ଗ୍ରହଣ କରିଥିଲେ। ପୂର୍ବରୁ ଲୋକେ ମାଳି ମକଦମା ପାଇଁ ଧର୍ମଗଡ଼ କୋର୍ଟ ଯିବା ଆସିବା କରି ଅନେକ ଅସୁବିଧା ଭୋଗ କରୁଥିଲେ ହେଲେ ଜୟ ପାଟଣା ରେ ଏହି କୋର୍ଟ ଖୋଲିବା ଏହି ସବୁ ସମସ୍ୟା ରହିବ ନାହିଁ ବୋଲି ଅନେକ ବୁଦ୍ଧିଜୀବୀ ଓ ମାନ୍ୟଗଣ୍ୟ ବ୍ୟକ୍ତି ମତପ୍ରକାଶ କରିଛନ୍ତି। ଏଥିପାଇଁ ଅଞ୍ଚଳବାସୀଙ୍କ ମଧ୍ୟରେ ଖୁସିର ବାତାବରଣ ଦେଖାଦେଇଛି।
