କଳାହାଣ୍ଡି:(ନରେନ୍ଦ୍ର ନେଗୀ)ଶିକ୍ଷା ବର୍ଷ ୨୦୨୨ /୨୩ ର ଆଜି ସିଏଚଏସଇ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇଛି l କଳାହାଣ୍ଡି ଜିଲ୍ଲାରେ ୯୬.୫୦ ପ୍ରତିଶତ ପରୀକ୍ଷାର୍ଥୀ ପାସ କରିଛନ୍ତି lକଳାହାଣ୍ଡି ଜିଲ୍ଲାରେ ଛାତ୍ରମାନଙ୍କୁ ପଛରେ ପକାଇ ଛାତ୍ରୀ ମାନେ ଅଧିକ ସଂଖ୍ୟାରେ ପାସ କରିଛନ୍ତି l ଜିଲ୍ଲାରେ ୩୪୨ ଟି ଉଚ୍ଚ ଵିଦ୍ୟାଳୟର ମୋଟ ୨୧,୧୯୧ ଜଣ ପରୀକ୍ଷାର୍ଥୀ ମାଟ୍ରିକ ପରୀକ୍ଷା ପାଇଁ ଫର୍ମ ପୂରଣ କରିଥିଲେ l
ସେମାନଙ୍କ ମଧ୍ୟରୁ ୫୧୩ ଜଣ ପରୀକ୍ଷାରେ ଅନୁପସ୍ଥିତ ଥିଲେ l ଏହି ପରୀକ୍ଷାରେ୧୦,୨୧୧ ଜଣ ଛାତ୍ର ଏବଂ୧୦,୨୩୮ ଜଣ ଛାତ୍ରୀ ଏଭଳି ମୋଟ ୨୦,୪୪୯ ଜଣ ପରୀକ୍ଷାର୍ଥୀ ପାସ କରିଛନ୍ତି l ପାସ ହୋଇଥିବା ପରୀକ୍ଷାର୍ଥୀ ମାନଙ୍କ ମଧ୍ୟରୁ୮୩ ଜଣ A1, ୧୦୩୦ ଜଣ A2, ୪୫୨୧ ଜଣ B1, ୬୮୬୪ ଜଣ B2, ୫୧୫୯ ଜଣ C, ୨୦୮୪ ଜଣ D, ୭୦୮ ଜଣ E ଏବଂ ୨୧୧ ଜଣ ପରୀକ୍ଷାର୍ଥୀ F ଗ୍ରେଡ଼ ରଖିଥିବା ସୂଚନା ମିଳିଛି l
