ବେଲଗୁଣ୍ଠା:( ସୁଶାନ୍ତ କୁମାର ବେହେରା )ବେଲଗୁଣ୍ଠା ପେଣ୍ଠ ସାହି ନିବାସୀ ତଥା ସ୍ଵର୍ଗତ ସମାଜସେବୀ ମୃତ୍ୟୁଞ୍ଜୟ ପାତ୍ରଙ୍କ ଧର୍ମପତ୍ନୀ ଚିନଂ ଲକ୍ଷ୍ମୀବାଇ ପାତ୍ରଙ୍କ 83 ବର୍ଷ ବୟସରେ ପରଲୋକ ଘଟିଛି I ସେ କିଛିଦିନ ହେବ ବାର୍ଦ୍ଧକ୍ୟଜନିତ ସମସ୍ୟାରେ ପୀଡିତ ଥିଲେ I ସେ ବେଲଗୁଣ୍ଠା କାଉନସିଲର୍ ପ୍ରତିନିଧି ଚିଦାନନ୍ଦ ପାତ୍ରଙ୍କ ମାତା ଅଟନ୍ତି I
ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ବେଲଗୁଣ୍ଠାର ବହୁ ମାନ୍ୟଗଣ୍ୟ ବ୍ୟକ୍ତି ସ୍ୱର୍ଗୀୟା ପାତ୍ରଙ୍କ ବାସଭବନରେ ଉପସ୍ଥିତ ରହି ତାଙ୍କର ଶେଷ ଦର୍ଶନ କରିଥିଲେ I ତାଙ୍କର ମୃତ୍ୟୁ ଶଯ୍ୟା ନିକଟରେ ଜ୍ୟେଷ୍ଠ ପୁତ୍ର ଚିଦାନନ୍ଦ ପାତ୍ର, ମହେଶ୍ଵର ପାତ୍ର, ଜଗନ୍ନାଥ ପାତ୍ର ଏବଂ ବାଳକୃଷ୍ଣ ପାତ୍ରଙ୍କ ସମେତ ସମସ୍ତ ପୁତ୍ରବଧୁ ଉପସ୍ଥିତ ଥିଲେ
ଲକ୍ଷ୍ମୀବାଇଙ୍କ ମର ଶରୀରକୁ ବେଲଗୁଣ୍ଠା ଶ୍ମଶାନକୁ ଏକ ଶୋଭାଯାତ୍ରାରେ ନିଆଯାଇ ସେଠାରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା I ଜ୍ୟେଷ୍ଠପୁତ୍ର ଚିଦାନନ୍ଦ ମୁଖାଗ୍ନି ଦେଇଥିଲେ I ସେ ଜଣେ ପରୋପକାରୀ, ଧର୍ମପରାୟଣା ଏବଂ ମିଷ୍ଠଭାଷୀ ମହିଳା ହୋଇଥିବାରୁ ତାଙ୍କ ବିୟୋଗରେ ବେଲଗୁଣ୍ଠା ଅଞ୍ଚଳରେ ଶୋକର ଛାୟା ଖେଳିଯାଇଛି I
