କେସିଙ୍ଗା:(ପ୍ରିତେଶ ପଟେଲ୍)ଭତ୍ତା ପାଇଁ ଚାଲିଛି ସଂଘର୍ଷ କିଛି ଦିନ ପୂର୍ବେ ଜଣେ ବୃଦ୍ଧା ଚୌକି ସାହାରା ରେ ଚାଲି ଚାଲି ଭତ୍ତା ପାଇଁ ଯାଉଥିବା ଭିଡିଓ ସାମାଜିକ ଗଣ ମାଧ୍ୟମ ରେ ଚହଳ ପକାଇଥିବା ବେଳେ ,କୋକସରା ବ୍ଲକ ର ଜଣେ ହିତାଧିକାରୀ ଭତ୍ତା ପାଇଁ ଦୀର୍ଘ ୫ କିଲୋମିଟର ଚାଲି ଚାଲି ଯିବା ଦୃଶ୍ୟ ସରକାର ଙ୍କ ବ୍ୟବସ୍ଥା ଉପରେ ଅଙ୍ଗୁଳି ନିର୍ଦ୍ଦେଶ କରିଥିଲା ।ପୁଣି ଏହି ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି କେସିଙ୍ଗା ବ୍ଲକ ର ପଥର୍ଲା ପଞ୍ଚାୟତ ରେ । ପଥର୍ଲା ପଞ୍ଚାୟତ ର ପଦ୍ମାବତୀ ପୋଢ ନାମକ ଏକ ୮୦ ବର୍ଷୀୟ ବୃଦ୍ଧା ନିଜର ୫୦୦ ଟଙ୍କା ଭତ୍ତା ପାଇଁ ୨ କିଲୋମିଟର ଚାଲି ଚାଲି ଯିବା ଓ ଭତ୍ତା ନପାଇ ଘରକୁ ଫେରି ଆସିବା ଭଳି ଏକ ଅଭାବନୀୟ ଘଟଣା ଘଟିଯାଇଛି ।
ପଦ୍ମାବତୀ ଙ୍କ ବୟସ ୮୦ ବର୍ଷ ଅଣ୍ଟା ସିଧା ହଉନି ନଇଁ ନଇଁ ଜାଉଛନ୍ତି ପଦ୍ମାବତୀ ।ଗ୍ରୀଷ୍ମ ର ପ୍ରଚଣ୍ଡ ରୋଦ୍ର ତାପକୁ ବେଖାତିର କରି ମାତ୍ର ୫୦୦ ଟଙ୍କା ପାଇଁ ଖରା ରେ ରାସ୍ତା ରେ ଚାଲି ଚାଲି ଯିବା ର ଦୃଶ୍ୟ ଲୋକ ଙ୍କୁ ଆନ୍ଦୋଳିତ କରିଥିଲା ।୮୦ ବର୍ଷ ବୟସରେ ମୁଁ ଆଉ କଣ କାମ କରିପାରିବି କି ଏହି ଭତ୍ତା ଟଙ୍କା ଉପରେ ହିଁ ମୋର ଭରସା ,ଆଗ ଭଳି ଘରେ ଆଣି ଭତ୍ତା ଦେଲେ ମତେ ସୁବିଧା ହେବ ବୋଲି ନିଜର କୋହ ଭରା ସ୍ୱର ରେ କହିଥିଲେ ପଦ୍ମାବତୀ ।ଏ
ଠାରେ କହିବା ଅନୀର୍ବାଜ୍ୟ ଜେ ସରକାର ଚଳିବାରେ ଅସର୍ମଥ,ବିକଳାଙ୍ଗ ବ୍ୟକ୍ତି ଙ୍କୁ ଘର କୁ ଯାଇ ଭତ୍ତା ପ୍ରଦାନ ପାଇଁ ବ୍ୟାଙ୍କ୍ କୁ ନିର୍ଦ୍ଦେଶ ଦେଇଥିଲେ ବି ବାରମ୍ବାର ଏହି ଭଳି ଘଟଣା ଘଟିବା ଦ୍ଵାରା ଲୋକଙ୍କ ମନରେ ସରକାରୀ ବ୍ୟବସ୍ଥା ପ୍ରତି ଆଶଙ୍କା ସୃଷ୍ଟି ହେଉଛି । ଏ ଘଟଣା ବିଷୟ ରେ ପଞ୍ଚାୟତ ନିର୍ବାହୀ ଅଧିକାରୀଙ୍କୁ ପଚାରିବାରୁ ତାଙ୍କ ବ୍ୟାଙ୍କ୍ ଖାତା ରେ ଟଙ୍କା ଡିପୋଜିଟ ହୋଇଥିବା ସୂଚନା ଦେଇଥିଲେ ।ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ପଚାରିବାରୁ ସେ ଏ ବିଷୟ ରେ ଅବଗତ ନ ଥିଲେ ପଞ୍ଚାୟତ ନିର୍ବାହୀ ଅଧିକାରୀ ଙ୍କୁ ପଚାରି ଆସନ୍ତା ସମୟ ରେ ପଦ୍ମାବତୀ ଙ୍କ ଘରେ ନେଇ ଭତ୍ତା ଟଙ୍କା ଦିଆଯିବାର ବ୍ୟବସ୍ଥା କରାଯିବ ବୋଲି କହିଛନ୍ତି ।
