ଭୁବନେଶ୍ୱର: ୦୭/୦୫(ପାୟଲ ରାଉତ )ଆଜି ଭୁବେଶ୍ବରରେ ରେ ଉପସ୍ଥିତ ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀ ସୁଶାନ୍ତ କୁମାର୍ ରାଉତ୍ ଙ୍କ ବାସଭବନ ରେ ନନ୍ଦନକାନନ ନିକଟବର୍ତ୍ତୀ ରଘୁନାଥପୁର ଗ୍ରାମପଞ୍ଚାୟତ ଦଧିବାବନ ଉଚ୍ଚ ବିଦ୍ୟାଳୟ ର କ୍ରୀଡ଼ା ଶିକ୍ଷକ ଶ୍ରୀ ପ୍ରମୋଦ କୁମାର ରାଉତ ସୌଜନ୍ୟମୂଳକ ସା୍ଷାତକାର କରିଥିଲେ। ମାନ୍ୟବର ବିଧାୟକ ଙ୍କ ସହିତ ଦୀର୍ଘ ୩୫ ମିନିଟ୍ର ସାକ୍ଷାତ୍ କାରର ମୂଖ୍ୟ ଆଲୋଚନା ଥିଲା ରଘୁନାଥପୁର ଗ୍ରାମପଞ୍ଚାୟତର ସମସ୍ୟା ଏବଂ ନିଜ ବିଦ୍ୟାଳୟ ର ସମସ୍ୟା ସମ୍ପର୍କ ରେ।
ଗ୍ରାମ ରେ ମେଲଣ ପଡ଼ିଆ, ଖେଳ ପଡ଼ିଆ ଏବଂ ପାର୍କ ର ଆବଶ୍ୟକତା ରହିଛି ବୋଲି କ୍ରିଡା ଶିକ୍ଷକ ପୂର୍ବରୁ ମଧ୍ୟ ବିଧାୟକଙ୍କୁ ଅବଗତ କରାଇଥିଲେ। ଏହା ର ପ୍ରତିକାର ସ୍ୱରୂପ ବିଧାୟକ କହିଥିଲେ ଯଦି ଗ୍ରାମର ମୂରବୀ ଭଦ୍ର ବ୍ୟକ୍ତି ଙ୍କ ସମେତ ପଦସ୍ତ ଥିବା ବ୍ୟକ୍ତି ମାନେ ଗ୍ରାମ ରେ ରହି ଥିବା ଅନାବାଦୀ ଗୋଚର ଜମି କୁ ଚିହ୍ନଟ କରନ୍ତେ, ତେବେ ସେ ନିଶ୍ଚିନ୍ତ ରୂପରେ ସମସ୍ତ ପ୍ରକାର ର ସୁବିଧା ଯୋଗାଇ ଦେବେ ବୋଲି ପ୍ରତିଶ୍ରୁତି ଦେଇଥିଲେ।
ଏହା ବ୍ୟତୀତ ପୂର୍ବରୁ ମାନ୍ୟବର ବିଧାୟକ ତାଙ୍କ ପାଣ୍ଠିରୁ ରଘୁନାଥପୁର ଗ୍ରାମ ର ଉନ୍ନତି ନିମନ୍ତେ ଯଥା ଡ୍ରେନ କାର୍ଯ୍ୟ, ଦଧିବାବନ ହାଇ ସ୍କୁଲ ନିମନ୍ତେ ଗେଟ, ଗ୍ରାମ ଭାଗବତ ଗୃହ ର ଉନ୍ନତି କରଣ ଏଭଳି ଅନେକ କାର୍ଯ୍ୟ ପାଇଁ ଅନୁଦାନ ଦେଇଛନ୍ତି। ଯଦି ଆଗକୁ ଗ୍ରାମବାସୀ ଙ୍କ ସହାୟତା ରୁହେ ତେବେ ସେ ନିଶ୍ଚିତ ରୂପେ କ୍ରୀଡ଼ା ଶିକ୍ଷକ ଙ୍କ କଥା କୁ ଗ୍ରହଣ କରି ସେ ସମସ୍ତ କାର୍ଯ୍ୟ ସଂପାଦନ କରିବେ ବୋଲି ପ୍ରତିଶ୍ରୁତି ଦେଇଥିଲେ।
