ଧର୍ମଗଡ:୪/୫(ହେମନ୍ତ କୁମାର ମାଝୀ)ସରକାରୀ ବସ ଷ୍ଟାଣ୍ଡ କୁ ସରକାରୀ ବସ ଆସୁ ନାହିଁ । ଫଳ ରେ ବସ କୁ ଅପେକ୍ଷା କରି ରହିଥିବା ଲୋକେ ହଟ ହଟା ହେବା ସାର ହଉଛି । ଏବେ ଏହା କୁ ନେଇ ସ୍ମାର୍ଟ ବସ ଷ୍ଟାଣ୍ଡ ନିର୍ମାଣ କେଉଁ କାମ କୁ ବୋଲି ଲୋକେ କହୁଛନ୍ତି ।ରାଜ୍ୟ ସରକାର ରାଜ୍ୟ ତମାମ ସହରାଞ୍ଚଳ ମାନଙ୍କ ରେ ଯାତ୍ରୀ ଙ୍କ ସୁବିଧା ପାଇଁ କୋଟି କୋଟି ଟଙ୍କା ବ୍ୟୟ ରେ ସ୍ମାର୍ଟ ଅତ୍ୟାଧୁନିକ ବସ ଷ୍ଟାଣ୍ଡ ସବୁ ନିର୍ମାଣ କରିଛନ୍ତି । ଏହି କ୍ରମ ରେ ଧର୍ମଗଡ ସହର ରେ ଓଡ଼ିଶା ରାଜ୍ୟ ସଡ଼କ ଓ ପରିବହନ ବିଭାଗ ଅଧିନରେ ଥିବା ଏକ ମାତ୍ର ବସ ଷ୍ଟାଣ୍ଡ ର ମଧ୍ଯ ରୂପାନ୍ତରଣ କରାଗଲା ।
ଏଥି ପାଇଁ କୋଟି କୋଟି ଟଙ୍କା ବ୍ୟୟ କରାଗଲା । ଗତ ମାର୍ଚ୍ଚ ମାସରେ ମୂଖ୍ୟ ମନ୍ତ୍ରୀ ଏହା ର ଉଦ୍ ଘାଟନ କରିଥିଲେ । ବସ କୁ ଅପେକ୍ଷା କରି ଥିବା ଯାତ୍ରୀ ଙ୍କ ପାଈ ପ୍ରତୀକ୍ଷା କେନ୍ଦ୍ର ଓ ବସିବା ପାଇଁ ଚଉକି ବ୍ୟବସ୍ଥା, ପୁଣି ଥଣ୍ଡା ପବନ ପାଇଁ ପଙ୍ଖା, ପାନୀୟ ଜଳ ପାଈ ଆକ୍ଵଗାର୍ଡ , ପୁରୁଷ ଓ ମହିଳା ଯାତ୍ରୀ ଙ୍କ ପାଇଁ ସ୍ଵତନ୍ତ୍ର ଭାବେ ଶୌଚାଳୟ ନିର୍ମାଣ ସହ ଯାତ୍ରୀ ଙ୍କ ପାଇଁ ଅନ୍ୟାନ୍ୟ ସମସ୍ତ ସୁବିଧା ପ୍ରଦାନ କରାଯାଇଛି । ତେବେ ଏତେ ସୁବିଧା ଥିବା ସତ୍ତ୍ବେ ସରକାରୀ ବସ ଏହି ବସ ଷ୍ଟାଣ୍ଡ କୁ ଆସୁ ନ ଥିବାରୁ ଯାତ୍ରୀ ମାନେ ହଇରାଣ ହେଉଛନ୍ତି । ସୂଚନା ଅନୁଯାୟୀ ନୂଆପଡ଼ା ଠାରୁ କଳାହାଣ୍ଡି ଜିଲ୍ଲା ମୁଖିଗୁଡ଼ା କୁ ଦୁଇଟି ଓଏସଆରଟିସି ର ବସ ଅଲଟରନେଟିଭ ଭାବେ ନିୟମିତ ଚଳାଚଳ କରୁଛି ।
ନୂଆପଡା ଜିଲ୍ଲା ର ଖରୀଆର, ସିନାପାଲି, କୋମନା ଏବଂ କଳାହାଣ୍ଡି ଜିଲ୍ଲା ର ଗୋଲାମୁଣ୍ଡା,ଧର୍ମଗଡ, ଜୁନାଗଡ଼, ମୋଟେର, ଜୟପାଟଣା ସମେତ ଏହି ରାସ୍ତା ରେ ପଡ଼ୁଥିବା ଅନେକ ଛୋଟ ବଡ଼ ଗାଁ କୁ ଯିବା ଆସିବା ପାଈ ଏହି ବସ ହେଉଛି ଏକ ମାତ୍ର ସରକାରୀ ବସ । କିନ୍ତୁ ବସ ଦ୍ବୟ ଉଭୟ ଯିବା ଏଵଂ ଫେରିବା ସମୟ ରେ ବସ ଷ୍ଟାଣ୍ଡ କୁ ନ ଆସି ଦେଢ଼ କିଲୋମିଟର ଦୂର ଚାରିଛକ ଠାରୁ ରାସ୍ତା କାଟି ଚାଲି ଯାଉ ଥିବାରୁ ଯାତ୍ରୀ ଙ୍କୁ ଅନେକ ହଇରାଣ ହେବାକୁ ପଡୁଛି । ଅଯଥା ରେ ଯାତ୍ରୀ ମାନେ ରିକ୍ସା, ଅଟୋ ଭଡା କରି ବସ ଷ୍ଟାଣ୍ଡ କୁ ଯାଉଛନ୍ତି । ତୁରନ୍ତ ପ୍ରଶାସନ ଏହା ଉପରେ ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ନେବାକୁ ବୁଦ୍ଧିଜୀବୀ ମହଲରେ ଅଭିଯୋଗ ହେଉଛି।
