କଳାହାଣ୍ଡି : (ନରେନ୍ଦ୍ର ନେଗୀ) କଳାହାଣ୍ଡି ଜିଲ୍ଲା କଲମପୁର ରୁ ଆଜିଠାରୁ ହାଇଦ୍ରାବାଦକୁ ବସ ସେବା ଆରମ୍ଭ ହୋଇଛି l ସଙ୍ଗୀତା ଟୁର ଏଣ୍ଡ ଟ୍ରlଭେଲସର ଘରୋଇ ବସ ନିୟମିତ ଭାବେ କଲମପୁରରୁ ହାଇଦ୍ରାବାଦକୁ ଚାଲିବ ବୋଲି ବସ ଦାୟିତ୍ୱରେ ଥିବା ମେନେଜର ସୂଚନା ଦେଇଛନ୍ତି lସୂଚନାନୁଯାୟୀ ଏହି ବସ କଲମପୁରରୁ ଅପରାହ୍ନ ୧.୪୫ ମିନିଟ ସମୟରେ ବାହାରି ଜୁନାଗଡ଼, ମୋଟେର, କୋକସରା, ଆମପାଣି, ନବରଙ୍ଗପୁର, ଜୟପୁର, ମାଲକାନଗିରି, ଭଦ୍ରାଚଲମ ଦେଇ ହାଇଦ୍ରାବାଦରେ ସକାଳ ୮ ଘଣ୍ଟାରେ ପହଞ୍ଚିବ l
ପୂର୍ବରୁ ହାଇଦ୍ରାବାଦକୁ କଲମପୁରରୁ ସିଧା ବସ ସେବା ନ ଥିବାରୁ ଅଂଚଳବାସୀ ଅନେକ ଅସୁବିଧାର ସମ୍ମୁଖୀନ ହେଉଥିଲେ l ଏହି ବସ ଚାଲିବା ଫଳରେ ଅଂଚଳବାସୀ ସିଧା ସଳଖ ହାଇଦ୍ରାବାଦକୁ ଯିବା ଆସିବାପାଇଁ ସୁବିଧା ପାଇ ପାରିବେ l ବସ ସେବା ଆରମ୍ଭ ହେବା ସମୟରେ କଲମପୁର ବସ ଷ୍ଟାଣ୍ଡ ନିକଟରେ ନବୀନ ପଣ୍ଡା, ପୋଲିସ ଏ ଏସ ଆଇ ଶେଖର ଜେନା, ଚେରୁ ନାଏକ, ଘନ ଶ୍ୟାମ ନାଏକ, ପବିତ୍ର ସାହୁ, ଅମୀର ଅଲ୍ଲୀ ଏବଂ ଜନ ସାଧାରଣ ଏବଂ ପୋଲିସ କର୍ମଚାରୀମାନେ ଉପସ୍ଥିତ ଥିଲେ l ପୂଜାର୍ଚନା ପରେ ପ୍ରଥମ ଥରପାଇଁ କଲମପୁରରୁ ହାଇଦ୍ରାବାଦ ଅଭିମୁଖେ ବସ ଯାତ୍ରା କରିଥିଲା l
