ଟିଟିଲାଗଡ:(ସଞ୍ଜୟ କୁମାର ନାୟକ)ଟିଟିଲାଗଡ ଲାୟନ୍ସ କ୍ଲବ ବର୍ଷ ତମାମ କିଛି ନା କିଛି ସେବା କାର୍ଯ୍ୟ କରିଥାନ୍ତି। ଏହି ପରିପ୍ରେକ୍ଷୀରେ ପବିତ୍ର ଅକ୍ଷୟ ତୃତୀୟା ଉପଲକ୍ଷେ ଶନିବାର ଦିନ ସକାଳୁ ଟିଟିଲାଗଡ ଲାୟନ୍ସ୍ କ୍ଲବର ମହିଳା ସଦସ୍ୟ।ଙ୍କ ଦ୍ବାରା ଖରା ଦାଉରୁ ରକ୍ଷା ପାଇବା ପାଇଁ ଥାନା ସମ୍ମୁଖରେ ବିକୁଥିବା ପରିବା ବିକାଳିଙ୍କୁ ଛତା, ଚପଲ ଓ ଥଣ୍ଡା ପାନୀୟ ବଣ୍ଟନ କରାଯାଇଥିଲା।
ଏହି ସେବା କାର୍ଯ୍ୟ ପାଇଁ ମହିଳା ସଦସ୍ୟ ଶ୍ରୀମତି ବିନ୍ଦୁ ସାହୁ, ଶ୍ରୀମତି ଲଳିତା ଲାଠ ଏବଂ ଶ୍ରୀମତି ମମତା ଦେବି ଜୈନଙ୍କ ସହ କ୍ଲବର୍ ସର୍ଭିସ ଚେୟାର ପର୍ସନ ଶ୍ରୀ ସଞ୍ଜୟ କୁମାର ନାୟକ ଉପସ୍ଥିତ ଥିଲେ।
ଖରାରେ ବସି ଏମାନେ ପ୍ରତିଦିନ ପନିପରିବା ବିକ୍ରି କରିଥାନ୍ତି, ଏହାକୁ ହୃଦୟଙ୍ଗମ କରି ଲାୟଂସ କ୍ଳବର ମହିଳା ସଦସ୍ୟ ମାନେ ଏହି ସେବା କାର୍ଯ୍ୟ ପାଇଁ ଆଗେଇ ଆସିଥିବା ସହ ସରକାରଙ୍କ ନିୟମ ମୁତାବକ ଖରାରେ ପଦାକୁ ବାହାରିଲେ ଛତା, ମୁଣ୍ଡରେ ଗାମୁଛା, ପ୍ରଚୁର ମାତ୍ରାରେ ପାଣି ପିଇବାକୁ ଲୋକଙ୍କୁ ସଚେତନ କରାଇଥିଲେ।
