ଯାଜପୁର:ଯାଜପୁର ଜିଲ୍ଲା ବିଂଝାରପୁର ବ୍ଲକ ସୟଦପୁର ପଞ୍ଚାୟତ ପକ୍ଷରୁ ଫାଜିଲା ମହଲ୍ଲା ମସଜିଦ୍ ପ୍ରାଙ୍ଗଣରେ ଏକ ଇଫତାର ପାର୍ଟି ଅନୁଷ୍ଠିତ ହୋଇଯାଇଛି। ସୟଦପୁର ପଞ୍ଚାୟତର ସରପଞ୍ଚ ସେକ ମହମ୍ମଦ ସବିରଙ୍କ ନେତୃତ୍ଵରେ ଅନୁଷ୍ଠିତ ଇଫତାର ପାର୍ଟିରେ ଇଂ ଲାୟକ ଅଲି ଖାନ ସଭାପତିତ୍ଵ କରିଥିଲେ।
ମୁଖ୍ୟ ଅତିଥି ଭାବେ ରାଜସ୍ୱ ମନ୍ତ୍ରୀ ତଥା ବିଂଝାରପୁର ବିଧାୟିକା ପ୍ରମିଳା ମଲିକ ଯୋଗଦେଇ ପବିତ୍ର ଇଫତାର ପାର୍ଟି ସଂପର୍କରେ ବକ୍ତବ୍ୟ ରଖିଥିଲେ। ସମ୍ମାନୀତ ଅତିଥି ଭାବେ ବ୍ଲକ ଅଧ୍ୟକ୍ଷା ରଂଜିତା କୁମାରୀ ଦାସ, ଉପାଧ୍ୟକ୍ଷ ସେକ୍ ଇର୍ସାଦ, ଜିଲ୍ଲାପରିଷଦ ସଭ୍ୟ ନନ୍ଦକିଶୋର ସାମଲ, ମନ୍ତ୍ରୀଙ୍କ ପ୍ରତିନିଧି ପ୍ରଦୀପ ମହାନ୍ତିଙ୍କ ସମେତ ବହୁ ବିଜେଡି କର୍ମୀ ଉପସ୍ଥିତ ରହି ପବିତ୍ର ରମଜାନ ମାସ ସମ୍ପର୍କରେ ନିଜ ନିଜର ଅଭିମତ ପ୍ରକାଶ କରିଥିଲେ।
