ଟିଟିଲାଗଡ:(ସଞ୍ଜୟ କୁମାର ନାୟକ)ଦୁଇ ଦିନିଆ ବଲାଙ୍ଗିର ଗସ୍ତରେ ଉନ୍ନୟନ ସଚିବ ଅନୁଗର୍ଗଙ୍କ ସହ ବୈଷୟିକ ଟିମ ଏବଂ ଟିଟିଲାଗଡ଼ର ବିଧାୟିକା ତଥା ବାଣିଜ୍ୟ ପରିବହନ ଓ ଜଳ ସମ୍ପଦ ମନ୍ତ୍ରୀ ଶ୍ରୀମତି ଟୁକୁନି ସାହୁ ବୁଧୁବାର ସକାଳ ୧୦ ଟା ସମୟରେ ଟିଟିଲାଗଡର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ବୁଲି ଦେଖିଥିଲେ।
ପ୍ରଥମେ ପିପଲ୍ ପଦର ଠାରେ ଥିବା ମାତୃ ଓ ଶିଶୁ ସ୍ୱାସ୍ଥ୍ୟ କେନ୍ଦ୍ର ଭିତର ଏବଂ ନିର୍ମିତ ହେଉଥିବା ନିର୍ମାଣ କାମ ବୁଲି ଦେଖିବା ପରେ ନିକଟରେ ଥିବା ଆଦର୍ଶ ଟି ଏଚ ଆର ୟୁନିଟକୁ ଯାଇ ମଧ୍ୟ ଛତୁଆ କିପରି ପ୍ରସ୍ତୁତ ହେଉଥିଲା ତାହା ମଧ୍ୟ ଭିତରେ କାମ କରୁଥିବା ମହିଳା କର୍ମଚାରୀଙ୍କୁ ପଚାରି ବୁଝିଥିଲେ। ତାପରେ ସେଠାରୁ ବନ୍ଦ ପଡିଥିବା ଦେଶିଲ ଚାହାରଭଟା ଶୀତଳ ଭଣ୍ଡାର ବୁଲି ଦେଖିବା ସହ ଅତି ଶୀଘ୍ର କାର୍ଯ୍ୟକ୍ଷମ କିପରି କରାଯିବ ସେ ନେଇ ମନ୍ତ୍ରୀଙ୍କ ସହ ଆଲୋଚନା କରିଥିଲେ।
ଏହି ଗସ୍ତ ସମୟରେ ଟିଟିଲାଗଡ ଉପଜିଲ୍ଲାପାଳ ଶ୍ରୀଯୁକ୍ତ ଦୟାମୟ ପାଢୀ,ଭାରପ୍ରାପ୍ତ ସିଡିଏମଓ ଡ କୁବେର ଚନ୍ଦ୍ର ମହନ୍ତ, ଟିଟିଲାଗଡ ଏସଡିଏମଓ ପି କେ ନାଏକ, ବିଭିନ୍ନ ବିଭାଗର ଅଧିକାରୀ, ମନ୍ତ୍ରୀଙ୍କ ପ୍ରତିନିଧି ଶ୍ରୀ ଅରୁଣ କୁମାର ମିଶ୍ର, ଏସ ଡି ପି ଓ ଶ୍ରୀମତି ଅଙ୍କିତା କୁମ୍ଭାର ଏବଂ ବହୁ ଦଳୀୟ କର୍ଯ୍ୟକର୍ତ୍ତା ଉପସ୍ଥିତ ଥିଲେ। ମୂଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ ଟିଟିଲାଗଡ ନିର୍ବାଚନ ମଣ୍ଡଳୀର ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ଦେଖିବା ପାଇଁ ଉନ୍ନୟନ ସଚିବ ଶ୍ରୀମତି ଅନୁ ଗର୍ଗ ଆସିଛନ୍ତି ଏବଂ ଯଥା ଶୀଘ୍ର ସମସ୍ତ ପ୍ରକଳ୍ପ ସମ୍ପୂର୍ଣ ହୋଇଯିବ ବୋଲି ମନ୍ତ୍ରୀ ଶ୍ରୀମତି ଟୁକୁନି ସାହୁ କହିଥିଲେ।
