ଟିଟିଲାଗଡ:(ସଞ୍ଜୟ କୁମାର ନାୟକ)ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଟିଟିଲାଗଡ ବଙ୍ଗାଳି ସମାଜ ତରଫରୁ ସ୍ଥାନୀୟ ଗୋବିନ୍ଦ ବଟିକା ଠାରେ ସମାଜର ସଭାପତି ଶ୍ରୀ ଶେଖର ସିହ୍ନାଙ୍କ ସଭାପତିତ୍ବରେ ବଙ୍ଗାଳି ନବବର୍ଷକୁ ସ୍ବାଗତ କରାଯାଇଛି। ଟିଟିଲାଗଡ ବଙ୍ଗାଳି ସମାଜର ଚଳିତବର୍ଷ ୨୪ ତମ ନବବର୍ଷ ପାଳନ କରାଯାଇଛି।
ପ୍ରଥମେ ଦେବା ଦେବୀଙ୍କ ଫୋଟୋ ଚିତ୍ରରେ ମାଲ୍ୟାର୍ପଣ କରି ଦୀପ ପ୍ରଜ୍ବଳନ କରିବା ପରେ ନବବର୍ଷର କାର୍ଯ୍ୟକ୍ରମ ଆରମ୍ଭ ହୋଇଥିଲା। ମଞ୍ଚ ପରିଚାଳନା କରିଥିଲେ କଲ୍ୟାଣ କାନ୍ତି ବୋଷ। ଏହି ଅବସରରେ ଟିଟିଲାଗଡର ସମାଜସେବୀ ତଥା ଲାୟଂଶ କ୍ଳବର ସଦସ୍ୟ ସ୍ୱର୍ଗତ ପ୍ରଭାସ ସାହୁଙ୍କ ସ୍ମୃତିରେ ଦୁଇ ମିନିଟ ନିରବ ପ୍ରାର୍ଥନା କରିବା ସହ ତାଙ୍କର ସ୍ମୃତି ଚାରଣ କରାଯାଇଥିଲା।
ଏହି ନବ ବର୍ଷ ପାଳନ ଅବସରରେ ସହରର ସମସ୍ତ ବଙ୍ଗାଳି ପରିବାର ସଦସ୍ୟ ମାନେ ଆସି ଯୋଗ ଦେଇଥିଲେ। ଏହି ଅବସରରେ ସମାଜର ବହୁମୁଖି ପ୍ରତିଭା ମାନଙ୍କ ଦ୍ବାରା ଅତି ସୁନ୍ଦର ନୃତ୍ୟ, ଗୀତ ଏବଂ କବିତା ପାଠ କରଯାଇଥିଲା। ଏହି ନବବର୍ଷକୁ ସଫଳ କରାଇବାରେ ସମାଜର ସଦସ୍ୟ ଦୀପକ ସମାଦ୍ଦର୍, ଭୋଲା ସରକାର, ଡ ସମାଜ ପତି, କାଳୀ ପ୍ରାସାଦ ମୁଖାର୍ଜୀ, ପ୍ରଦିପ ଦେ, ଶଙ୍କର ଦାସ, ସୁଧୀର ଦାସ, ଶଙ୍କର ଚେଟର୍ଜି ଏବଂ ଅନ୍ୟାନ୍ୟ ସଦସ୍ୟ ମାନେ ସହଯୋଗ କରିଥିଲେ।
