ଧର୍ମଗଡ଼ :୧୪/୪( ହେମନ୍ତ କୁମାର ମାଝୀ)କଳାହାଣ୍ଡି ଧର୍ମଗଡ଼ ଚିଲିଚିଲା ଠାରେ ବି ଆର ଆମ୍ବେଦକରଙ୍କ ଜନ୍ମ ଜୟନ୍ତୀ ପାଳିତ ହୋଇ ଯାଇଛି ।ପ୍ରଥମେ ଗୋଡଭଜା ରାସ୍ତା ଗୋଳେଇ ଛକ ଠାରୁ ଏକ ବାଇକ ଶୋଭା ଯାତ୍ରା ବାହାରି ଧର୍ମଗଡ଼ ଚାରିଛକରେ ଥିବା ଆମ୍ବେଦକର ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ।ବାଇକ ଯାତ୍ରା ଚିଲିଚିଲା ପହଞ୍ଚିଥିଲା ଓ ସେଠାରେ ଏକ ସଭାର ଅନୁଷ୍ଠିତ ହୋଇ ଥିଲା । ଭାରତୀୟ ସମ୍ବିଧାନର ପ୍ରଣେତା ତଥା ଦେଶର ପ୍ରଥମ ଆଇନ ମନ୍ତ୍ରୀ । ତାଙ୍କ ଜୀବନ ଯେତିକି ସଂଘର୍ଷମୟ ସେତିକି ଗରୀମା ମୟ । ବାବା ସାହେବ ଆମ୍ବେଦକର ୧୯୨୦ ରେ ଏକ ସାପ୍ତାହିକ ମରାଠୀ ଖବର କାଗଜ ଆରମ୍ଭ କରି ଜାତି ଭେଦର କଡ଼ା ସମାଲୋଚନା କରିବା ସହିତ ଅସମାନତା ବିରୋଧରେ ଲଢ଼ିବା ପାଇଁ ଆହ୍ୱାନ କରି ନିଷ୍ପେସିତ ବର୍ଗର ପ୍ରତିନିଧି ସାଜିଥିଲେ ।
ମ୍ବିଧାନର ଖସଡ଼ା ପ୍ରସ୍ତୁତ କରିବା ଓ ଅଛୁଆଁ ଭେଦଭାବକୁ ବେଆଇନ କରିବାରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ଥିଲା । ହିନ୍ଦୁଧର୍ମରେ ଅଛୁଆଁ ଭେଦ ଭାବର ବ୍ୟାପକତା ଦେଖି ସେ ନିରାଶ ହୋଇଥିଲେ ଏବଂ ୧୯୫୬ ରେ ନାଗପୁର ଠାରେ ଦୁଇ ଲକ୍ଷ ଦଳିତଙ୍କ ସହ ବୌଦ୍ଧ ଧର୍ମ ଗ୍ରହଣ କରିଥିଲେ । ଏଥିପାଇଁ ତାଙ୍କୁ ଆଧୁନିକ ବୌଦ୍ଧ ଆନ୍ଦୋଳନର ସେନାପତି ମଧ୍ୟ କୁହାଯାଏ । ଆଜି ସେହି ମହାନ ବ୍ୟକ୍ତିଙ୍କ ୧୩୨ ତମ ଜନ୍ମ ଜୟନ୍ତୀ ଅଲ ଓଡିଶା ସିଡୁଲ କାଷ୍ଟ ଫେଡରେସନ ଧର୍ମଗଡ଼ ସଭାପତି ବିରଞ୍ଚି ନାରାୟଣ ଜାଲ ଙ୍କ ନେତୃତ୍ୱରେ ଭାରତ ରତ୍ନ ଡ଼ଃ. ବି.ଆର. ଆମ୍ବେଦକର ଙ୍କ ଜନ୍ମ ଦିବସ ପାଳନ ହୋଇଥିଲା।
ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ଧର୍ମଗଡ଼ ବିଧାୟକ ମୌସୁଧି ବାଗ, ବିଶିଷ୍ଟ ଅତିଥି ଭାବେ ଧର୍ମଗଡ଼ ତହସିଲଦାର ହରେକୃଷ୍ଣ ବାରିହା , ବିଡ଼ିଓ ଶରତ ଚନ୍ଦ୍ର ସେଠି, ଏସ.ଡି. ପି.ଓ ଧିରଜ ଚୋପଦାର,ସମ୍ମାନିତ ଅତିଥି ଭାବେ ବ୍ରାହ୍ମଣଛେଣ୍ଡିଆ ସମିତି ଇନ୍ଦୁମତି ମାଝୀ, ଯୋନ-୧ ଜିଲ୍ଲା ପରିଷଦ ଗୋପୀନାଥ ମହାନନ୍ଦ, AOSCF ଜିଲ୍ଲା କାର୍ଯ୍ୟକାରୀ ସଭାପତି ଦିଗାମ୍ବର ଦୁରିଆ, ବ୍ଲକ ସାଧାରଣ ସଂପାଦକ ପ୍ରଭାକର ଜାଲ,ରାଜ୍ୟ ସାଧାରଣ ସଂପାଦକ ପ୍ରାଥମିକ ଶିକ୍ଷକ ସଙ୍ଘ ବଙ୍କୀମ ସାଗର, କୁଳପତି ସତନାମୀ ସମାଜ କ୍ଷେତ୍ର ମୋହନ ସତନାମୀ, ଲକ୍ଷଜ୍ୟୋତି ଜାଲ,ପ୍ରମୁଖ ଯୋଗ ଦେଇଥିଲେ ।
