ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ଓଡିଶା ହାଇକୋର୍ଟର ବିଚାରପତି ମାନ୍ୟବର ଜଷ୍ଟିସ ବି.ଆର. ସଡଙ୍ଗୀ ଓ ବି.ପି. ରାଉତରାଏ ଆଜି ଦିନିକିଆ ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସି ବିଭିନ୍ନ ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ , ଉଦଘାଟନ କରିବା ସହିତ ସାଧାରଣ ସଭାରେ ଯୋଗଦେଛନ୍ତି ।
ସକାଳେ ଉଭୟ ଜଷ୍ଟିସ ସୁବର୍ଣ୍ଣପୁର ଜିଲ୍ଲା ବିନିକା ସହରରେ ସିଭିଲ ଜଜ୍ କମ ଜେ.ଏମ.ଏଫ.ସି କୋର୍ଟର ଶିଳାନ୍ୟାସ କରିବା ସହିତ ବିନିକା ଓକିଲ ସଂଘର କାର୍ଯ୍ୟକର୍ତ୍ତାଙ୍କ ସହିତ ଆଲୋଚନା କରିଛନ୍ତି । ପରେ ପରେ ବୀରମହାରାଜପୁର ଗସ୍ତ କରି ସେଠାରେ ସିନିଆର ସିଭିଲ ଜଜ୍ କୋଠାର ଶିଳାନ୍ୟାସ କରି ଓକିଲ ସଂଘର କାର୍ଯ୍ୟାକର୍ତ୍ତାଙ୍କ ସହିତ ଆଲୋଚନା କରିଥିଲେ ।
ସେଠାରୁ ସୋନପୁର ଆସି ଜିଲ୍ଲା ଜଜ୍ କୋର୍ଟ ନୂତନ କୋଠା ପରିସରରେ ନବ ନର୍ମିତ ଏମିନିଟି ସେଣ୍ଟର, ବାର ହଲ ଓ କ୍ୟାଣ୍ଟିନ ର ଶୁଭ ଉଦଘାଟନ କରିଥିଲେ । ପରେ ପରେ ଜିଲ୍ଲା ଦୌରା ଜଜ୍ କୋର୍ଟ ପରିସରରେ ଜିଲ୍ଲା ଓକିଲ ସଂଘ ଦ୍ବାରା ଆୟୋଜିତ ଏକ ସଭାରେ ଯୋଗ ଦେଇଥିଲେ ।
