ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ରାମପୁର ଥାନା ସାଲେପାଲି ଗାଁରେ ଘଟିଛି ଅଘଟଣ । କେନାଲରେ ଗାଧୋଇବାବେଳେ ବାଳକ ନିଖୋଜ । ସାଲେପାଲି ନିକଟରେ ଥିବା କେନାଲ ରେ ୩ ଜଣ ବାଳକ ଗାଧୋଉଥିବା ବେଳେ ଜଣେ ନିଖୋଜ ଥିବା ସୁଚନା ମିଳିଛି ।
ଅଗ୍ନିଶମ ବିଭାଗ ପକ୍ଷରୁ ଖୋଜାଖୋଜି ଜାରି ରହିଛି। ସାଲେପାଲି ଗାଁର ତିନି ଜଣ ବାଳକ କେନାଲକୁ ଗାଧୋଇବାକୁ ଆସିଥିଲେ । ଗାଧୋଉ ଥିବା ବେଳେ ବୁଲୁ ସାହୁ ନାମକ ଜଣେ ବାଳକ ହଠାତ ପାଣି ସ୍ରୋତରେ ତଳକୁ ଭାସିଯାଇଥିଲେ ।
ଅନ୍ୟ ବାଳକାମାନେ ତାଙ୍କୁ ଡାକି ଥିଲେ ହେଁ ସେ ଉପରକୁ ଉଠି ପାରିନଥିଲେ । ଏନେଇ ସେମାନେ ତାଙ୍କ ପରିବାର ଲୋକଙ୍କୁ ଖବର ଦେଇଥିବା ବେଳେ ପରିବାର ଲୋକ କେନାଲରେ ଖୋଜା ଖୋଜି କରିଥିଲେ ହେଁ ତାଙ୍କ ପତ୍ତା ପାଇ ନଥିଲେ । ପରେ ଡୁଙ୍ଗୁରିପାଲି ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ପକ୍ଷରୁ ବର୍ତ୍ତମାନ ପର୍ଯ୍ୟନ୍ତ ଖୋଜା ଖୋଜି ଚାଲିଥିଲେ ହେଁ ବୁଲୁଙ୍କ ପତ୍ତା ମିଳି ନଥିବା ଜଣା ପଡିଛି ।
