ବୌଦ୍ଧ:(ଚିତ୍ତରଞ୍ଜନ ସିଂହ)ବଜ୍ରକାପ୍ତା ବିକ୍ରି ଉଦ୍ୟମ ବେଳେ ବୌଦ୍ଧ ଜିଲା ଜାମୁଖୋଲ ଗ୍ରାମର ଦୁଇ ଶିକାରୀଙ୍କୁ ଗିରଫ କଲା ପୋଲିସ ର ସ୍ପେଶାଲ ଟାସ୍କ ଫୋର୍ସ l ବଜ୍ରକାପ୍ତା ଡିଲ ବେଳେ ମାଡି ବସିଲା ପୋଲିସ ର ସ୍ପେଶାଲ ଟାସ୍କ ଫୋର୍ସ । ବୌଦ୍ଧ ୫୭ ନମ୍ବର ଜାତୀୟ ରାଜପଥ ବାଇ ପାସ ନିକଟରେ ଚାଲିଥିଲା ବଜ୍ରକାପ୍ତା ବିକ୍ରି ଉଦ୍ୟମ । ଖବର ପାଇ ବନବିଭାଗ ଓ ପୋଲିସ ର ସ୍ପେଶାଲ ଟାସ୍କ ଫୋର୍ସ ପକ୍ଷରୁ କରାଯାଇଥିଲା ମିଳିତ ଚଢ଼ାଉ । ମିଳିଥିବା ସୂଚନା ପ୍ରକାରେ ଜବତ ହୋଇଥିବା ଦୁଇଟି ବଜ୍ରକାପ୍ତା ମଧ୍ୟରୁ ଗୋଟିଏ ମାଈ ଓ ଗୋଟିଏ ଅଣ୍ଡିରା ବଜ୍ରକାପ୍ତା ରହିଛି ।
ଏହି ଘଟଣାରେ ସମ୍ପୃକ୍ତ ଦୁଇ ଶିକାରୀ ଗିରଫ । ଶିକାରି ଦୁଇଜଣ ହେଲେ ବଘିଆପଡା ଫାଣ୍ଡି ଅନ୍ତର୍ଗତ ଜାମୁଖୋଲ ଗ୍ରାମର ବୋଲି ସୂଚନା ମିଳିଛି । ଦୁଇ ଜଣ ଶିକାରୀଙ୍କୁ ଅଟକ ରଖି ଅଧିକ ତଦନ୍ତ କରୁଛି ପୋଲିସ ର ସ୍ପେଶାଲ ଟାସ୍କ ଫୋର୍ସ । ଶିକାରୀଙ୍କ ପରିଚୟ ଏପର୍ଯ୍ୟନ୍ତ ମିଳିପାରିନାହିଁ । ଏହା ପୂର୍ବରୁ ଦୁଇ ଥର ବୌଦ୍ଧ ଜିଲାରୁ ଜୀବନ୍ତ ବଜ୍ରକାପ୍ତା ଉଦ୍ଧାର କରାଯିବା ସହ ସମ୍ପୃକ୍ତ ଶିକାରୀମାନକୁ ଗିରଫ କରିଥିଲା ପୋଲିସ ର ସ୍ପେଶାଲ ଟାସ୍କ ଫୋର୍ସ l
ସୂଚନା ଥାଉକି ଗତ ରବିବାର ଦିନ ବୌଦ୍ଧ ଜିଲ୍ଲା ହରଭଙ୍ଗା ରୁ ଗୋଟିଏ ବାଘ ଛାଲ ଓ ଦୁଇଟି ହରିଣ ଛାଲ ଜବତ କରିବା ସହ ଜଣେ ଆସାମୀ କୁ ଗିରଫ କରିଥିଲା ଏସ ଟି ଏଫ l ବୌଦ୍ଧ ଜିଲ୍ଲା ରେ ବାରମ୍ବାର ବନ୍ୟଜନ୍ତୁ ଶିକାର କରାଯାଉଥିବା ଖବର ପ୍ରକାଶ ପାଉଛି l କେତେବେଳେ ହାତୀ ମୃତ୍ୟୁ ତ କେତେବେଳେ କଳରାପତରିଆ ବାଘ, ହରିଣ ଶିକାର ଘଟଣା ବୌଦ୍ଧ ବନ ବିଭାଗ ର ପାରିବା ପଣିଆ କୁ ପଦାରେ ପକାଇଛି l ଖୋଦ ଜଙ୍ଗଲ ଓ ପରିବେଶ ମନ୍ତ୍ରୀ ବୌଦ୍ଧ ରୁ ପ୍ରତିନିଧିତ୍ୱ କରୁଥିବା ବେଳେ ଜିଲ୍ଲା ରେ ବନ୍ୟ ଜନ୍ତୁ ସୁରକ୍ଷିତ ନୁହନ୍ତି l
