କେସିଙ୍ଗା: ୧୪/୩(ପ୍ରୀତେଶ ପଟେଲ୍)କଳାହାଣ୍ଡି ଜିଲ୍ଲା ରେ ମଧ୍ୟାହ୍ନ ଭୋଜନ କଲେଙ୍କେରୀ ର ଅଭିଯୋଗ ଲମ୍ବା ହେବାରେ ଲାଗିଛି।ଗତ ୧୦ ବର୍ଷ ହେଲା ୪ ଏଜେଣ୍ଟ ସବୁ ମଧ୍ୟାହ୍ନ ବ୍ୟବସ୍ଥା କୁ ନିଜ କବଜା ରଖିଛନ୍ତି।ଯାହାକୁ ବିଭାଗୀୟ ଅଧିକାରୀ ଙ୍କ ବି ଅକଲ ଗୁଡୁମ ହୋଇ ଯାଉଛି।ଜିଲ୍ଲା ଶିକ୍ଷା ଅଧିକାରୀ ବାରମ୍ବାର ଟେଣ୍ଡର କରିବାର ଉଦ୍ୟମ କଲେ ବି ଏମାନେ କରାଇ ଦେଉ ନ ଥିବା କଥା କୁ ବିଭାଗ ସ୍ୱୀକାର କରିଛି।ସେହିଭଳି କେସିଙ୍ଗା ଓ ଥୁଆମୂଳ ରାମପୁର ବ୍ଳକ ରେ ଚାଉଳ ହେରାଫେରି ନେଇ ବାରମ୍ବାର ଅଭିଯୋଗ ପରେ ତନଖି ପାଇଁ ଜିଲ୍ଲା ଶିକ୍ଷାଅଧିକାରୀ ସୁଶାନ୍ତ ଚୋପଦାର ବ୍ଳକ ଶିକ୍ଷା ଅଧିକାରୀ ମାନଙ୍କୁ ତନଖି କରିବା ଶହ ନିଜେ ରହି ଚାଉଳ ବଣ୍ଟନ ପାଇଁ ନିର୍ଦ୍ଦେଶ ଦେଇଛନ୍ତି।ଜିଲ୍ଲା ରେ ୧୩ ଟି ବ୍ଳକ ର ୨୧୬୬ ସ୍କୁଲରେ ୧ ଲକ୍ଷ ୮୬ ହଜାର ୩୨୪ ଛାତ୍ରଛାତ୍ରୀ ଏହି ଯୋଜନା ରେ ସାମିଲ ହୋଇଛନ୍ତି।
ଏଥିପାଇଁ ବର୍ଷକୁ ସରକାର ପ୍ରାୟ ୨ କୋଟି ୧୭ ଲକ୍ଷ ୧୪ ହଜାର ୧୮୫ ଟଙ୍କା ଖର୍ଚ୍ଚ କରନ୍ତି।ହେଲେ ଏଠି ଏତେ ଟଙ୍କା ଖର୍ଚ୍ଚ ପରେ ବି ଯୋଜନା ବାଟବଣା ହୋଇଯାଇଛି।ଟେଣ୍ଡର ହେବାକୁ ଦେଉନାହାନ୍ତି ଏଜେଣ୍ଟ ମାନେ।ଏମାନଙ୍କ ଫିକ୍ସିଂ ଯୋଗୁଁ ଅନ୍ୟ ସଂସ୍ଥା କି ବ୍ୟକ୍ତି ଟେଣ୍ଡର ରେ ଅଂଶ ଗ୍ରହଣ କରୁ ନାହାନ୍ତି।ଜିଲ୍ଲା ରେ ମା ତାରିଣୀ ସଂସ୍ଥା ୪ ଟି ବ୍ଳକ,ମୁରାରି ଲାଲ ଅଗ୍ରୱାଲ ୩ ଟି,ବ୍ରଜେନ୍ଦ୍ର ମେହେର ୨ ଟି ଏବଂ ଜଳନ୍ଧର ନାଏକ ୪ ଟି ବ୍ଳକ ରେ ଥିବା ସ୍କୁଲ ମାନଙ୍କ ରେ ଚାଉଳ ଯୋଗାଣ କରୁଛନ୍ତି।ବିଶେଷ କରି ଏଜେଣ୍ଟ ଓ କିଛି ଶିକ୍ଷକ ଙ୍କ ଅସାଧୁମେଣ୍ଟ ପାଇଁ ଚାଉଳ ରେ ବ୍ୟାପକ ହେରାଫେରି ହେଉଥିବା ର ଅଭିଯୋଗ ହୋଇଛି।ତାହା ନ ହେଲେ କିଛି ବ୍ଳକ ରେ ୨ ମାସ ଓ କିଛି ବ୍ଳକ ରେ ଗୋଟିଏ ମାସ ଧରି ବିନା ଚାଉଳ ରେ ସ୍କୁଲ କେମିତି ଚାଲିଲା ବୋଲି ପ୍ରଶ୍ନ ଉଠିଛି।
ପୂର୍ବରୁ ସ୍କୁଲ ମାନଂକୁ ଦିଆଯାଉଥିବା ଚାଉଳ ବସ୍ତା ରେ ୪/୫ କେଜି ଚାଉଳ ଯାଉଥିଲା।ଯାହା ନେଇ ସମ୍ବାଦ ରେ ବାରମ୍ବାର ଖବର ପ୍ରକାଶିତ ପରେ ପୂର୍ଵ ଜିଲ୍ଲାପାଳ ଙ୍କ ନିର୍ଦେଶ ରେ ବର୍ତ୍ତମାନ ଜିଲ୍ଲା ଶିକ୍ଷାଅଧିକାରୀ ସ୍କୁଲ ପଏଣ୍ଟ ରେ ଓଜନ କରି ଚାଉଳ ଦେବାର ଆରମ୍ଭ କରିଥିଲେ।କିଛି ମାସ ଚାଲିବା ପରେ ବର୍ତ୍ତମାନ ପୂର୍ଵ ଭଳି ଅବସ୍ଥା କୁ ଫେରି ଆସିଲେଣି।ଦୁର୍ଗମ ଥୁଆମୂଳ ରାମପୁର,ମଦନପୁର ରାମପୁର , ଜୟପାଟଣା ଭଳି ବ୍ଳକ ର ଭିତରେ ଥୁବା ସ୍କୁଲ କୁ ଚାଉଳ କିପରି ଯୋଗାଣ ହେଉଛି ତାହା ନେଇ ପ୍ରଶ୍ନବାଚି ସୃଷ୍ଟି ହୋଇଛି।ଖୋଦ ଶିକ୍ଷା ବିଭାଗ ଟେଣ୍ଡର ରେ ଅନ୍ୟ କେହି ଭାଗ ନେଉ ନ ଥିବାରୁ ବାଧ୍ୟ ହୋଇ ଏମାନଙ୍କୁ ଚାଉଳ ବଣ୍ଟନ ଦାଇତ୍ୱ ଦେବା କଥା କହିଛି।ଏମିତି କି ଗୋଟିଏ ଟେଣ୍ଡର ରେ ଗୋଟିଏ ପେଜେଟ ରେ ରଦି କାଗଜ ଅନ୍ୟ ଟି ଖାଲି ଆସିଥିବା ବିଭାଗୀୟ ଅଧିକାରୀ ପ୍ରକାଶ କରିଛନ୍ତି।ଫଳରେ ଏଜେଣ୍ଟ ଙ୍କ ପଦୁର୍ଭାଵ ବଢ଼ିବାରେ ଲାଗିଛି।ସରକାର ଙ୍କ ମଧ୍ୟାହ୍ନ ଭୋଜନ ଯୋଜନା ଜିଲ୍ଲା ରେ ଝୁଣ୍ଟି ପଡୁଛି।ଯାହାର ତଦନ୍ତ ହେଲେ ବହୁ ଗୁମର ଫିଟିବ ବୋଲି ସାଧାରଣ ରେ ପ୍ରକାଶ ପାଇଛି।
