ଧର୍ମଗଡ:୧୨/୩(ହେମନ୍ତ କୁମାର ମାଝୀ)ବରିଷ୍ଠ ଔଷଧ ବ୍ୟବସାୟୀ ତଥା ପ୍ରଗତିବାଦୀ ର ଧର୍ମଗଡ ପ୍ରତିନିଧି ସାମ୍ୱାଦିକ ବିଷ୍ଣୁ ପ୍ରସାଦ ଅଗ୍ରୱାଲ ଙ୍କ ପିତା ଗୁରୁ ପ୍ରସାଦ ଅଗ୍ରୱାଲ (୭୦) ଙ୍କ ଆଜି ମଧ୍ୟାହ୍ନ ରେ ହୃଦଘାତ ରେ ପରଲୋକ ହୋଇ ଯାଇଛି । ଗତ କିଛି ଦିନ ଧରି ସେ ଅସୁସ୍ଥ ଥିବା ବେଳେ ଆଜି ହୃଦଘାତରେ ତାଙ୍କର ପରଲୋକ ହୋଇ ଯାଇଛି । ସ୍ବର୍ଗତ ଅଗ୍ରୱାଲ ଧର୍ମଗଡ ମାରୱାଡ଼ି ସମାଜ ର ସଭାପତି ଥିଲେ । ଧର୍ମଗଡ ଠାରେ ଥିବା ଜୟହିନ୍ଦ୍ ମେଡ଼ିକାଲ ଓ ଜୟହିନ୍ଦ ଏଜେନ୍ସି ର ପ୍ରତିଷ୍ଠାତା ଥିଲେ । କଳାହାଣ୍ଡି କେମିଷ୍ଟ୍ ଓ ଡ୍ରଗିଷ୍ଟ ସଂଘ ର ସେ ପୂର୍ବତନ ସଭାପତି ରହିଥିବା ବେଳେ ଉତ୍କଳ କେମିଷ୍ଟ୍ ଓ ଡ୍ରଗିଷ୍ଟ ସଂଘ ର କାର୍ଯ୍ୟକାରିଣୀ ସଦସ୍ୟ ଥିଲେ । ତାଙ୍କ ର ବିୟୋଗ ରେ ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି । ଆଜି ସ୍ଥାନୀୟ ସ୍ବର୍ଗ ଦ୍ବାର ଶ୍ମଶାନ ଠାରେ ତାଙ୍କର ଶେଷ କୃତ୍ୟ ସଂପନ୍ନ ହେବ ।
ମୃତ୍ୟୁ ସମୟ ରେ ବଡ ପୁଅ ସାମ୍ୱାଦିକ ବିଷ୍ଣୁ ପ୍ରସାଦ ଅଗ୍ରୱାଲ, ହରିବୋଲ ଅଗ୍ରୱାଲ , ଟିକୁ ରାମ ଅଗ୍ରୱାଲ, ପୁତ୍ର ବଧୂ, ନାତି ନାତୁଣୀ ଓ ପରିବାର ବର୍ଗ ଉପସ୍ଥିତ ଥିଲେ । ଧର୍ମଗଡ ବ୍ୟବସାୟୀ ସଂଘ ସମ୍ପାଦକ ଅରୁଣ ତାୟଲ,ସଭାପତି ବିଦ୍ୟାଧର ସାହୁ, ଜିଲ୍ଲା କେମିଷ୍ଟ ସଂଘ ସମ୍ପାଦକ ହୃଷୀକେଶ ମିଶ୍ର, ଭାଜପା ଜିଲ୍ଲା ସମ୍ପାଦକ ସୁଧୀର ରଞ୍ଜନ ପଟ୍ଟଯୋଷୀ, ଆଇନ ଜିବୀ ସୁବାଷ ପାଣିଗ୍ରାହୀ, ଭବାନୀ ଚରଣ ଦାସ, ରାଜେନ୍ଦ୍ର ମୁନି, ନଗର ପାଳ ଅଶୋକ ମହାନ୍ତି, ଉପ ନଗର ପାଳ ମନିଷା ମିଶ୍ର,ସାମ୍ୱାଦିକ ବୈଦ୍ୟନାଥ ବେହେରା, ବିରଞ୍ଚି ନାରାୟଣ ଜାଲ, ଇଙ୍ଗିତ ପଣ୍ଡା, ଅଂଶୁମାନ ପାତ୍ର, ବିଶ୍ବ ରଂଜନ ବେହେରା, ଉମେଶ ନାଏକ, ଅଲେଖ ନାଏକ, ମନୋଜ ଯୋଷୀ, ବେଣୁ ଲାଲ ପ୍ରଧାନ, ମୁରଲୀ ପାତ୍ର, ନରେଶ ଚନ୍ଦ୍ର ଅଗ୍ରୱାଲ , ଅନୁପ ଅଗ୍ରୱାଲ, ଲକ୍ଷ୍ମୀ କାନ୍ତ ବାଗ, କ୍ଷୀରୋଦ ବାଗ ପ୍ରମୁଖ ଗଭୀର ଶୋକ ପ୍ରକାଶ କରିଛନ୍ତି ।
