କାଶୀପୁର:(ଅଞ୍ଜନ କୁମାର ନାଏକ)ରାୟଗଡା ଜିଲ୍ଲା କାଶୀପୁର ବ୍ଲକ ଅନ୍ତର୍ଗତ ଦରଗୁଡା ଠାରେ ଗଢି ଉଠିଥିବା ଅଦିତ୍ୟ ବିର୍ଲା ଉତ୍କଳ ଆଲୁମିନା କାରଖାନାସ୍ଥ ବକ୍ସାଇଟ ଅଞ୍ଚଳ ମାଇକଞ୍ଚ ପଂଚାୟତର ଅଣ୍ଡିରାକଞ୍ଚ ଗ୍ରାମବାସୀ, ପ୍ରାୟ ଶତାଧିକ ଲୋକେ ଆଜିକୁ ସାତଦିନ ଧରି ତାଙ୍କ ହକ ଅଧିକାର ଓ ନ୍ୟାର୍ଯ୍ୟ ଦାବି ପୂରଣ ପାଇଁ କମ୍ପାନୀ ରାସ୍ତା ଅବରୋଧ କରିଥିବାର ଦେଖିବାକୁ ମିଳିଛି lସରଳତା ଓ ନିରହ ଅଞ୍ଚଳବାସୀଙ୍କ ଭରପୁର ଫାଏଦା ଉଠେଇ ଚାଲିଛି ଉତ୍କଳ ଆଲୁମିନା କାରଖାନା!ସରକାରୀ ଗାଇଡ଼ ଲାଇନ ଅନୁଯାଇ ଖଣି ପ୍ରଭାବିତ ଅଞ୍ଚଳବାସୀ ତାଙ୍କ ହକ ଅଧିକାର ଓ ମୌଳିକ ଅଧିକାର ସମ୍ବନ୍ଧେ ଆଜିପଯ୍ୟନ୍ତ ଏମାନେ ଅନଭିଜ୍ଞ !
ଦୁଇ ଦଶନ୍ଦୀ ପୂର୍ବେ ଜିଲ୍ଲା ପ୍ରଶାସନ ଓ କାରଖାନା କର୍ତ୍ତୃପକ୍ଷ ଖଣି ପ୍ରଭାବିତ ଅଞ୍ଚଳରେ ଶିକ୍ଷା, ସ୍ୱାସ୍ଥ୍ୟ, ପାନୀୟଜଳ, ଗମନାଗମନ, ଜୀବିକା ନିର୍ବାହ ଓ କୃଷି କ୍ଷେତ୍ରରେ ପ୍ରାଥମିକତାର ପନ୍ଥା ଅବଲମ୍ବନ କରିବାର ପ୍ରତିଶୃତି ଦେଇଥିଲେ l ଆଜି ତାହା ବାସ୍ତବିକତାର ଚିତ୍ର କିନ୍ତୁ ଅନ୍ୟ ରୂପରେଖା ଦର୍ଶାଉଛି l କିଛି ମାସ ପୂର୍ବରେ ଏହି ଅଣ୍ଡିରାକଞ୍ଚ ଗ୍ରାମର ମହିଳା ମାନେ ନିଜ ହଖ ଅଧିକାର ପାଇଁ କମ୍ପାନୀ ରାସ୍ତା ଅବରୋଧ କରିଥିଲେ, ସେଥିମଧ୍ୟରୁ ପ୍ରାୟ 15 ଜଣ ମହିଳା କମ୍ପାନୀ ର କବଳରେ ଫସି ଜେଲ ମଧ୍ୟ ଯାଇଥିଲେ l ତାଙ୍କ ମଧ୍ୟରୁ ଜଣେ 9 ମାସର ଗର୍ଭବତୀ ସ୍ତ୍ରୀ ଥିଲେ ସୁଲବତୀ, କିନ୍ତୁ ପରବର୍ତୀ ସମୟରର ସୁଲବତୀଙ୍କ ଅକାଳ ମୃତ୍ୟୁ ହୋଇଥିଲା, ନିଷ୍ଠୁର ପୋଲିସ ମଧ୍ୟ ଅନ୍ଧ ଥିଲା l ଏହିଭଳି ଡାକ୍ତରୀ ସ୍ୱାସ୍ଥ୍ୟ ପରୀକ୍ଷା ଓ ନ୍ୟାୟ ପାଳିକା ମଧ୍ୟ ଅନ୍ଧ ଥିଲେକି ବୋଲି ସମଗ୍ର ରାଜ୍ୟରେ ସମାଲୋଚନା ହେଇଥିଲା l
ଅଣ୍ଡିରାକଞ୍ଚ ବାସୀଙ୍କ ପ୍ରତିକ୍ରିୟା ଅନୁଯାଇ ଚଳିତ ମାସ 2 ତାରିଖରେ ରାୟଗଡା ଜିଲ୍ଲାପାଳ, ଜିଲ୍ଲା ପୋଲିସ ପ୍ରଶାସନ ଅଧିକାରୀ ସମେତ ଉତ୍କଳ ଆଲୁମିନା କମ୍ପାନୀ କର୍ତ୍ତୃପକ୍ଷଙ୍କୁ 11ଦଫା ଦାବିପତ୍ର ପ୍ରଦାନ କରିଥିଲେ କିନ୍ତୁ ପ୍ରଶାସନ ଓ କାରଖାନା କର୍ତ୍ତୃପକ୍ଷଙ୍କ ଠାରୁ କୌଣସି ପଦକ୍ଷେପ ନନେବା ତାଙ୍କୁ ବିଚଳିତ କରିଥିଲା l
ସେଇଥିପାଇଁ ଗ୍ରାମବାସୀଙ୍କ ନ୍ୟାର୍ଯ୍ୟ ଦାବି ହଖ ଅଧିକାର ଓ ସମସ୍ତ ମୌଳିକ ଅଧିକାର ପୂରଣ ନ ହେବାଯାଏଁ ସେମାନେ ଜେଲ ଯିବୁ, ମରିବୁ ପଛେ ରାସ୍ତା ଅବରୋଧ ସହ ଆନ୍ଦୋଳନ ବଜାୟ ରଖିବୁ ବୋଲି ପ୍ରକାଶ କରିଛନ୍ତି l
