ଟିଟିଲାଗଡ଼:( ସଞ୍ଜୟ କୁମାର ନାୟକ)ବଲାଙ୍ଗୀର ଜିଲ୍ଲା ଟିଟିଲାଗଡ଼ ବ୍ଳକ ପ୍ରାଥମିକ ଶିକ୍ଷକ ସଂଘ ( ଏନ୍ ପି ଏସ) ପକ୍ଷରୁ ଶନିବାର ଅପରାହ୍ନରେ ଗୋଷ୍ଠୀ ଶିକ୍ଷା ଅଧିକାରୀଙ୍କ ଜରିଆରେ ତିନି ଦଫା ଦାବି ପତ୍ର ମାନ୍ୟବର ମୁଖ୍ୟମନ୍ତ୍ରୀଙ୍କୁ ଉଦ୍ଦେଶ୍ୟରେ ପ୍ରଦାନ କରାଯାଇଛି। ଏନ.ପି.ଏସ ଶିକ୍ଷକ ସଂଘର ଦାବି ହେଲା ଯେ ନୂତନ ପେନସନକୁ ଉଚ୍ଛେଦ କରି ପୁରୁଣା ପେନସନ ଲାଗୁ କରାଯାଉ, କେନ୍ଦ୍ରୀୟ ହାରରେ ଦରମା ପ୍ରଦାନ ଓ ପ୍ରାଥମିକ ଶିକ୍ଷକ ଚୁକ୍ତି ଭିତ୍ତିକକୁ ବରିଷ୍ଠତା ପ୍ରଦାନ । ଟିଟିଲାଗଡ଼ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଅଭିରାମ ମାଝୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ, ମାନ୍ୟବର ଶିକ୍ଷା ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଥିଲା l
ପ୍ରାଥମିକ ଶିକ୍ଷକ ସଂଘ( ଏନ୍. ପି. ଏସ୍ ) ପକ୍ଷରୁ ସଂଘର ଦାବି ପତ୍ର ପ୍ରଦାନ ସମୟରେ ସଭାପତି ଶ୍ରୀ ଗୋପାଳ ସିଂହ ଏବଂ ସମ୍ପାଦକ ଶ୍ରୀ ପ୍ରଦୀପ୍ତ କୁମାର ତ୍ରିପାଠୀଙ୍କ ସହ କନିଷ୍ଠ ଶିକ୍ଷକ ସଂଘ ସଭାପତି ଶ୍ରୀ ରଜତ ଛତର ଓ ତାଙ୍କର ସହିତ ପ୍ରାଥମିକ ଶିକ୍ଷକ ସଂଘ ଉପଦେଷ୍ଠା ଶ୍ରୀ ସୁଶାନ୍ତ କୁମାର ପଣ୍ଡା, ଶ୍ରୀ ନିତ୍ୟାନନ୍ଦ ହୋତା, ଶ୍ରୀ ରାମଗୋପାଳ ମେହେଟା, ଶ୍ରୀ ବିଜେନ୍ଦ୍ର ଚୌଧରୀ ଶ୍ରୀ କିଶୋର ବଞ୍ଛୋର ଏବଂ ଅନେକ ସଂଖ୍ଯାରେ ଶିକ୍ଷକ/ଶିକ୍ଷୟିତ୍ରୀ ଉପସ୍ଥିତ ଥିଲେ l
