ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)କଳା, ସଂସ୍କୃତି ଓ ପରମ୍ପରାରେ ଭରପୁର ସୁବର୍ଣ୍ଣପୁର ଜିଲ୍ଲା । ଜିଲ୍ଲାର କଳା ଓ ସଂସ୍କୃତି ଦେଶ ତଥା ରାଜ୍ୟ ବାହାରେ ବେଶ ଆଦୃତ ଲାଭ କରିପାରିଛି ।
ଏହାକୁ ଆହୁରି ରୁଦ୍ଧିମନ୍ତ କରିବା ପାଇଁ ଜିଲ୍ଲାର ଧର୍ମଶାଳାଠାରେ ଚାରି ବର୍ଷ ହେଲା ଆୟୋଜିତ ହୋଇଆସୁଛି ଦେଶଫାଲ ଲୋକକଳା ମହୋତ୍ସବ । ଲୋକକଳା ଓ ଲୋକ ପରମ୍ପରାକୁ ପୁନଃରୁଦ୍ଧାର ତଥା ପ୍ରଚାର ପ୍ରସାର ପାଇଁ ଚାରି ବର୍ଷ ହେଲା ଆୟୋଜିତ ହୋଇଆସୁଛି ଏହି ମହୋତ୍ସବ ।
ତିନି ଧରି ହେବାକୁ ଥିବା ଦେଶଫାଲ ଲୋକକଳା ମହୋତ୍ସବରେ ଜିଲ୍ଲା ତଥା ଜିଲ୍ଲା ବାହାରର କଳାକାରମାନେ ଯୋଗ ଦେଇ ନିଜ ନିଜର ଲୋକନୃତ୍ୟ ପ୍ରଦର୍ଶନ କରିଥାନ୍ତି । ଏହା କେବଳ ମନୋରଞ୍ଜନ ନୁହେଁ ଏହା ମାଧ୍ୟମରେ କଳା ଓ ସଂସ୍କୃତିର ଆଦାନ ପ୍ରଦାନ ହୋଇଥାଏ ବୋଲି କହନ୍ତି କଳାକାରମାନେ । ପ୍ରତିଦିନ ସନ୍ଧ୍ୟାରେ ନାଚ ଗୀତ ର ମହୋଲ ବେଶ ଜମୁଛି ବିଳମ୍ବିତ ରାତ୍ରୀ ପର୍ଯ୍ୟନ୍ତ । ଅଞ୍ଚଳର କଳା ସଂସ୍କୃତି ଓ ପରମ୍ପରାକୁ ବଞ୍ଚାଇ ରଖିବା ପାଇଁ ଆୟୋଜକମାନଙ୍କ ନିଆରା ପ୍ରୟାସ ନିଶ୍ଚିତ ଭାବରେ ପ୍ରସଂଶନୀୟ ।
