ବୌଦ୍ଧ : (ଚିତ୍ତ ରଞ୍ଜନ ସିଂ) ବୌଦ୍ଧ ସମବାୟ କେନ୍ଦ୍ର ବ୍ୟାଙ୍କ ପକ୍ଷରୁ ଏକ ଜିଲ୍ଲାସ୍ତରୀୟ ବ୍ୟ।ଙ୍କିଙ୍ଗ ସେବା ଓ ଋଣ କାର୍ମଶାଳା ଅନୁଷ୍ଠିତ ହୋଇଯାଇଛି । ସ୍ଥାନୀୟ ଟାଉନହଲଠାରେ ଅନୁଷ୍ଠିତ କାର୍ଯ୍ୟକ୍ରମରେ ବ୍ୟାଙ୍କପରିଚାଳନା କମିଟି ସଭାପତି ଶ୍ରୀଯୁକ୍ତ ଅରୁଣ ପ୍ରଧାନ ଅଧ୍ୟକ୍ଷତା କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମାନ୍ୟବର ମନ୍ତ୍ରୀ ଜଙ୍ଗଲ ଓ ପରିବେଶ, ପଞ୍ଚାୟତିରାଜ ଓ ପାନୀୟଜଳ ସୂଚନା ଓ ଲୋକ ସମ୍ପର୍କ ବିଭାଗ ଶ୍ରୀଯୁକ୍ତ ପ୍ରଦୀପ କୁମାର ଅମାତ , ମହୋଦୟ, ସମ୍ମାନୀତ ଅତିଥି ଭାବେ ବୌଦ୍ଧ ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ତଥା ବିଧାୟକ କଣ୍ଟାମାଳ ଶ୍ରୀଯୁକ୍ତ ମହୀଧର ରଣା ମହୋଦୟ ଓଏସସିବି ଜିଏମ ଶ୍ରୀ ପ୍ରବୋଧ କୁମାର ମିଶ୍ର, ଡିଡିଏମ ନାବାର୍ଡ ବୌଦ୍ଧ ଶ୍ରୀଯୁକ୍ତ ତାପସ ଶଙ୍କର ରାଉତ,ବ୍ୟାଙ୍କର ଏଜିଏମ ଶ୍ରୀମତୀ ସସ୍ମିତା ପ୍ରଧାନ, ବ୍ୟାଙ୍କର ଉପ-ସଭାପତି ଶ୍ରୀମତୀ ଲୀନାରାଣୀ ମହାପାତ୍ର ଏବଂ ଉପନିବନ୍ଧକ ସମବାୟ ସମିତି ସମୂହ, ବୌଦ୍ଧ ଓ କନ୍ଧମାଳ ଶ୍ରୀଯୁକ୍ତ ଯୁଗଲ କିଶୋର ଦାସ ପ୍ରମୁଖ ଯୋଗ ଦେଇଥିଲେ ।
କୃଷି ଓ କୃଷକଙ୍କ ଆର୍ଥିକ ବିକାଶ ପାଇଁ ରାଜ୍ୟ ସରକାରଙ୍କ ଯୋଜନା ଓ ବ୍ୟାଙ୍କ/ସମିତି ମାଧ୍ୟମରେ ପ୍ରଦାନ କରଯାଉଥିବା ଋଣ ରିହ।ତି ଆଦି ସମ୍ପର୍କରେ ଅତିଥିମାନେ ନିଜ ବକ୍ତବ୍ୟରେ କହିଥିଲେ । ବିଶେଷ କରି ରାଜ୍ୟସରକାର ପ୍ରତ୍ୟେକ ଚାଷୀକୁ ବିନା ସୁଧରେ ୧ ଲକ୍ଷ ଟଙ୍କା ଋଣ ଘୋଷଣା କରିଥିବା ବେଳେ ଚାଷୀ ମାନେ ଏହାର ଲାଭ ଉଠାଇବାକୁ ଅତିଥିମାନେ ପରାମର୍ଶ ଦେଇଥିଲେ । କର୍ମଶାଳାରେ ଏଲଡ଼ିଏମ ବୌଦ୍ଧ,ବୌଦ୍ଧ ଏନଏସି ଅଧ୍ୟକ୍ଷ, ସହକାରୀ ନିବନ୍ଧକ ସମବାୟ ସମିତି ସମୂହ, ବୌଦ୍ଧ, ଫୁଲବାଣୀ ଏବଂ ବୌଦ୍ଧ ଓ କନ୍ଧମାଳ ଜିଲ୍ଲାର ସମବାୟ ସମିତିର ସମ୍ପାଦକ ଏବଂ ନବ ନିର୍ବାଚିତ ସଭାପତି, ଉପ-ସଭାପତି ପ୍ରମୁଖ ଯୋଗ ଦେଇଥିଲେ ଏବଂ ଶେଷରେ ସମବାୟ ବ୍ୟାଙ୍କ ପରିଚାଳନା ପରିଷଦର ସଭ୍ୟ ଶ୍ରୀଯୁକ୍ତ ସୁବୋଧ ପ୍ରଧାନ ଧନ୍ୟବାଦ ଦେଇଥିଲେ ।
