ଟିଟିଲାଗଡ : (ସଞ୍ଜୟ କୁମାର ନାୟକ) ସରସ୍ଵତୀ ଶିଶୁ ବିଦ୍ୟା ମନ୍ଦିର ଟିଟିଲାଗଡ଼ ଠାରେ “ଜାତିୟ ବିଜ୍ଞାନ ଦିବସ”ପାଳିତ ହୋଇଯାଇଛି। ଏହି ଅବସରେ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଶ୍ୟାସୁନ୍ଦର ମହାପାତ୍ର,ସହ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ନୃପରାଜ୍ ସେଠ୍ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି ଅବସରରେ ମୁଖ୍ୟବକ୍ତା ଭାବରେ ବିଦ୍ୟାଳୟର ମାଧ୍ୟମିକ ବିଭାଗ ପ୍ରମୁଖ ଶ୍ରୀଯୁକ୍ତ କୈଳାଶଚନ୍ଦ୍ର ସାହୁ ମହୋଦୟ ଜାତୀୟ ବିଜ୍ଞାନ ଦିବସ ପାଳନର ମହତ୍ଵ ସମ୍ପର୍କରେ ଉପସ୍ଥାପନା କରିଥିଲେ ।
ଏହାପରେ ଛାତ୍ରଛାତ୍ରୀ ମାନେ “ଜାତୀୟ ବିଜ୍ଞାନ ଦିବସ ” ର ତାତ୍ପର୍ଯ୍ୟ ଏବଂ ସି.ଭି.ରମଣଙ୍କ ଜୀବନୀ ଓ ତାଙ୍କ ଆବିଷ୍କାର ସମ୍ପର୍କରେ ବକୃତା ପ୍ରଧାନ କରିଥିଲେ । ଶେଷରେ ପ୍ରଧାନ ଆଚାର୍ଯ୍ୟ ଶିଶୁ ମାନଙ୍କୁ ମାନବ ସମାଜକୁ ବିଜ୍ଞାନ ର ଅବଦାନ ବିଷୟରେ ଆଲୋକପାତ କରିବା ସହ ଶିଶୁମାନଙ୍କୁ ବିଜ୍ଞାନ ପ୍ରତି ଆସକ୍ତି ଭାବ ଉଦ୍ରେକ କରିବା ନିମନ୍ତେ ମାର୍ଗ ଦର୍ଶନ କରିଥିଲେ । ଏହି ଅବସରେ ଛାତ୍ରଛାତ୍ରୀ ମାନଙ୍କ ଦ୍ଵାରା ବିଭିନ୍ନ ବିଜ୍ଞାନ ପ୍ରକଳ୍ପ ପ୍ରସ୍ତୁତ କରାଯାଇ ତାର ପ୍ରଦର୍ଶନ କରାଯାଇଥିଲା ।
