ବେଲଗୁଣ୍ଠା : (ସୁଶାନ୍ତ କୁମାର ବେହେରା) ବେଲଗୁଣ୍ଠା ଥାନା ଅନ୍ତର୍ଗତ ତନରଡା ଗ୍ରାମରେ ଜଣେ ବିବାହିତ ମହିଳା ବେକରେ ଦଉଡି ଲଗେଇ ଆତ୍ମହତ୍ୟା କରିଥିବା ସୂଚନା ମିଳିଛି । ମୃତ ମହିଳା ଜଣକ ହେଲେ ସୁରେଶ ସାହୁଙ୍କ ପତ୍ନୀ ସୁନୀତା ସାହୁ (୩୦) । ତାଙ୍କ ପତି ସୁରତରେ ଶ୍ରମିକ ଭାବେ କାମ କରୁଥିବା ବେଳେ ପାରିବାରିକ ଅଶାନ୍ତି କାରଣରୁ ସେ ସକାଳ ଦଶଟା ବେଳେ ଆତ୍ମହତ୍ୟା କରିଥିବା ପୋଲିସ ସୁତ୍ରରୁ ଖବର ମିଳିଛି ।
ମୃତ ସୁନୀତାଙ୍କ ଗୋଟିଏ ୮ ବର୍ଷ ବୟସର ପୁଅ ଅଛି । ମୃତ ସୁନୀତା ଙ୍କ ମାଆ ପଦ୍ମାବତୀଙ୍କ ଅଭିଯୋଗ ପ୍ରକାରେ ବେଲଗୁଣ୍ଠା ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ କରାଇ ପରିବାରକୁ ହସ୍ତାନ୍ତର କରିଥିବା ଜଣାପଡିଛି ।ଏ ନେଇ ବେଲଗୁଣ୍ଠା ପୋଲିସ ୭୭/୩୩ ରେ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ କରୁଥିବା ଥାନାଧିକାରୀ ପ୍ରକାଶ କୁମାର ସାହୁ ସୂଚନା ଦେଇଛନ୍ତି ।
