ଯାଜପୁର:ଯାଜପୁର ପୌରପାଳିକା ଅନ୍ତର୍ଗତ ଦେବୀଦ୍ବାର ଅଂଚଳର ଜଣେ ସଂଖ୍ୟାଲଘୁ ମହିଳାଙ୍କୁ ତାଙ୍କ ପଡୋଶୀ ଜମିଜମାକୁ କେନ୍ଦ୍ର କରି ଘରେ ବସି ଆକ୍ରମଣ କରିଥିବାର ଥାନାରେ ଅଭିଯୋଗ ହୋଇଛି। ସୂଚନା ଅନୁସାରେ ଦେବୀଦ୍ବାର ଅଞ୍ଚଳର ରୁକସାନା ବିବିଙ୍କୁ ତାଙ୍କ ପଡୋଶୀ ଜମିଜମା ଘଟଣାକୁ କେନ୍ଦ୍ର କରି ପୂର୍ବରୁ ଗାଲିଗୁଲଜ କରୁଥିବା ବେଳେ ଆଜି ହଠାତ୍ ଅପରାହ୍ନରେ ତାଙ୍କ ଘର ଭିତରକୁ ପଶି ଘରେ କେହି ନଥିବା ବେଳେ ତାଙ୍କୁ ଆକ୍ରମଣ କରିଛନ୍ତି।
ଯାହାକି ବାଡିରେ ତାଙ୍କ ମୁଣ୍ଡ,ଗୋଡ ଏବଂ ଛାତିକୁ ଆକ୍ରମଣ କରିଥିବାର ସେ ଟାଉନ ଥାନରେ ଲିଖିତ ଅଭିଯୋଗ କରିଛନ୍ତି। ଏପରିକି ଆକ୍ରମଣକାରୀ ତାଙ୍କ ସ୍ବାମୀଙ୍କୁ ଜୀବନରୁ ମାରି ଦେବାକୁ ଧମକ ଦେଇଥିବା ରୁକସାନା ଗଣମାଧ୍ୟମକୁ କହିଛନ୍ତି। ତାଙ୍କ ଜୀବନ ପ୍ରତି ବିପଦ ଥିବାରୁ ପୁଲିସ ତୁରନ୍ତ ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ନିବେଦନ କରିଛନ୍ତି
