ଯାଜପୁର ବ୍ଳକର ବିଭିନ୍ନ ଉନ୍ନୟନମୂଳକ ପ୍ରକଳ୍ପ ପରିଦର୍ଶନ କରିଛନ୍ତି ମୟୁରଭଂଜ ଜିଲ୍ଲାର ପଞ୍ଚାୟତରାଜର ବିଭିନ୍ନ ଜନପ୍ରତିନିଧି । ମୟୁରଭଂଜ ଜିଲ୍ଲାର ଏହି ୮୦ ଜଣିଆ ପ୍ରତିନିଧି ମଣ୍ଡଳୀ ଯାଜପୁର ବ୍ଲକ ଅଧିନସ୍ତ ମାଳଆନନ୍ଦପୁର ସ୍ଥିତ ଉତ୍ତରେଶ୍ୱର ୫ଟି ବିଦ୍ୟାଳୟରେ ପହଞ୍ଚିବା ପରେ ପ୍ରଶାସନ ପକ୍ଷରୁ ଜିଲା ପାରିଷଦ ମୁଖ୍ୟ ଉନ୍ନୟନ ଅଧିକାରୀ ଅଶୋକ କୁମାର ବେହୁରିଆ , ବିଡିଓ ସୌରଭ ଚକ୍ରର୍ବତ୍ତୀ ଏବଂ ସ୍ଥାନୀ ସରପଂଚ ସେମାନଙ୍କୁ ପୁଷ୍ପଗୁଚ୍ଛ ଓ ଉପଢ଼ୋକନ ଦେଇ ସ୍ୱାଗତ କରିଥିଲେ ।
ପରେ ଏହି ପ୍ରତିନିଧି ମଣ୍ଡଳୀ ଚଇନିପୁର ସ୍ଥିତ ସୁଦର୍ଶନ ପାଢି ଉଚ୍ଚ ବିଦ୍ୟାଳୟର ୫ଟି ସ୍କୁଲକୁ ପରିଦର୍ଶନ କରିବାକୁ ଯାଇଥିଲେ ସେଠାରୁ ମିଶନ ଶକ୍ତି ଭବନ ଏବଂ କୁସୁମା ସମେତ ବ୍ଲକର ବିଭିନ୍ନ ଉନ୍ନୟନମୂଳକ ପ୍ରକଳ୍ପକୁ ବୁଲି ଦେଖିଥିଲେ ।
ଏହି ଅବସରରେ ବ୍ଲକର ପ୍ରଶାସନିକ ଅଧିକାରୀମାନେ ଉପସ୍ଥିତ ରହି ଏହି ଗ୍ରସ୍ତକୁ ନେଇ ସମ୍ପୂର୍ଣ୍ଣ ସହଯୋଗ କରିଥିଲେ । ଏହି ଅବସରରେ ମୟୁରଭଂଜ ଜିଲ୍ଲାର ପଞ୍ଚାୟତରାଜର ଜନପ୍ରତିନିଧି ମାନେ ମଧ୍ୟ ଖୁସିରେ ସେମାନଙ୍କ ଲୋକନୃତ୍ୟ ପରିବେଷଣ କରିଥିଲେ । ବ୍ଲକର ବିଭିନ୍ନ ପ୍ରକଳ୍ପ ଦେଖିବା ପରେ ଏହି ଜନପ୍ରତିନିଧିମାନେ ଉନ୍ନୟନ କାର୍ଯ୍ୟକୁ ନେଇ ଉଚ୍ଚ ପ୍ରଶଂସା କରିଛନ୍ତି ।
