ସୁବର୍ଣ୍ଣପୁର:(ଅଜିତ କୁମାର ପୁଜାହାରୀ)ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା କମିରା ଗାଁରେ ଯୁବକକୁ ହତ୍ୟା । ସରକାରୀ ଜମିରେ ପୋଖରୀ ଖୋଳାକୁ ନେଇ ଦୁଇ ପରିବାର ମଧ୍ୟରେ ବିବାଦ ହୋଇଥିଲା । ଠେଙ୍ଗା ମାଡ ସହ କାଠ ଗଣ୍ଡିରେ ଛେଚି ଜଣଙ୍କୁ ହତ୍ୟା କରିଛନ୍ତି ଅଭିଯୁକ୍ତମାନେ । ମୃତକ ହେଲେ କମିରା ଗାଁର ପ୍ରକାଶ ବିଶ୍ବାଳ । ଜମିବାଡିକୁ ନେଇ ଗାଁର ଶିବ ପଧାନ ଓ ଦୁଃଶାସନ ପଧାନଙ୍କ ସହ ପ୍ରକାଶଙ୍କ ବଚସା ହୋଇଥିଲା ।
ବିଲରେ ମାଟି ଖୋଳାକୁ ନେଇ ଉତ୍ତେଜନା ହୋଇଥିବାବେଳେ ପ୍ରକାଶକୁ ଶାବଳରେ ଚାପି କାଠ ଗଣ୍ଡିରେ ଛେଚି ଦେଇଥିବା ଜଣା ପଡିଛି । ଫଳରେ ଘଟଣା ସ୍ଥଳରେ ପ୍ରକାଶଙ୍କ ମୃତ୍ୟୁ ହୋଇଛି । ଘଟଣା ସ୍ଥଳରେ ବିରମହାରାଜପୁର ଏସଡିପିଓଙ୍କ ନେତୃତ୍ବରେ ସୁବଳୟା ପୋଲିସ ପହଞ୍ଚି ତଦନ୍ତ କରୁଥିବା ବେଳେ ଶିବ ଓ ଦୁଃଶାସନକୁ ପୋଲିସ ଅଟକ ରଖିଛି ।
