ଉଦଯାପିତ ହେଲା ମାତାକୁପାର ନାଗବାଚା ମହୋତ୍ସବ

ବୌଦ୍ଧ : (ଚିତ୍ତ ରଞ୍ଜନ ସିଂହ)  ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବରଗାଁ ପଞ୍ଚାୟତ ଅନ୍ତର୍ଗତ ମାତାକୁପା ଠାରେ ଚାରି ଦିନଧରି ଆୟୋଜିତ ହୋଇଥିବା ଆଞ୍ଚଳିକ ନାଗବାଚା ଯାତ୍ରା ମହୋତ୍ସବ ଉଦଯାପିତ ହୋଇଯାଇଛି l ଉଦଯାପନୀ ଦିବସରେ କଣ୍ଟାମାଳ ବିଧାୟକ ମହୀଧର ରଣା ମୁଖ୍ୟ ଅତିଥି ଏବଂ ସମ୍ମାନିତ ଅତିଥି ଭାବେ ପ୍ରାକ୍ତନ ବିଧାୟକ ଭଗବାନ କହଁର, ପ୍ରାକ୍ତନ ବ୍ଲକ ଅଧ୍ୟକ୍ଷ ସାମନ୍ତ ମାଝୀ, ବରଗାଁ ପଞ୍ଚାୟତ ସରପଞ୍ଚ ପ୍ରତିନିଧି ପିନାକ ରଣା, ସମାଜସେବୀ ଗୋପୀନାଥ କହଁର, କଣ୍ଟାମାଳ ବ୍ଲକ ସାମ୍ବାଦିକ ସଙ୍ଘ ଉପ ସଭାପତି ପ୍ରଭାତ ସାହୁ, ଓଡିଶା ସାମ୍ବାଦିକ ସଙ୍ଘ ବୌଦ୍ଧ ଶାଖା ସହ ସମ୍ପାଦକ ବଂଶୀଧର ମାଝୀ, କନ୍ଧ ସମାଜ ସଭାପତି ବିବତ୍ସ କହଁର ପ୍ରମୁଖ ଯୋଗ ଦେଇ କଳାକାରଟିଏ ଅଞ୍ଚଳର ଲୋକ ସଂକୃତିକୁ ବିଶ୍ୱ ସ୍ତରରେ ପହଞ୍ଚାଇ ପାରିଥାଏ ତେଣୁ ଏହାକୁ ବଞ୍ଚାଇ ରଖିବାକୁ ହେଲେ ମଞ୍ଚର ଆବଶ୍ୟକ ରହିଛି ବୋଲି ମତବ୍ୟକ୍ତ କରିଥିଲେ l ଶିବ ଶଙ୍କର କାଲାସେ ଅତିଥି ପରିଚୟ ଓ ଧନ୍ୟବାଦ ଦେଇଥିଲେ l ପରେ ଅନୁଷ୍ଠିତ ସାଂକୃତିକ କାର୍ଯ୍ୟକ୍ରମରେ ଦଣ୍ଡନୃତ୍ୟ ପରିବେଷଣ କରାଯାଇଥିଲା l ସଭାପତି ତଥା ଗୁରୁ ଗୋବିନ୍ଦ ମଲିକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ନାଗବାଚା କମିଟିର ସମସ୍ତ ସଦସ୍ୟ ସହଯୋଗ କରିଥିଲେ ।