ଯାଜପୁର :(ଆନନ୍ଦ ଚନ୍ଦ୍ର ସାହୁ )ବିଭିନ୍ନ ସ୍ଥାନରେ ଠିପିଖୋଲାମଦ ଦୋକାନକୁ ନେଇ ଗ୍ରାମବାସୀଙ୍କ ଠାରୁ ଆରମ୍ଭ କରି ପଂଚାୟତବାସୀମାନେ ବାରମ୍ବାର ଜିଲ୍ଲା ପ୍ରଶାସନପାଖରେ ଅଭିଯୋଗ କରି ଆସୁଛନ୍ତି । କିନ୍ତୁ ଅବକାରୀ ବିଭାଗ ରାଜସ୍ୱ ଆଦାୟ ଆଳରେ ଲୋକଙ୍କ ସ୍ୱାର୍ଥକୁ ପଛରେପକାଇ ମଦ ବ୍ୟବସାୟୀଙ୍କୁ ଗୁରୁତ୍ୱ ଦେଇ ଆସୁଛନ୍ତି ।
ଫଳରେ ପ୍ରସ୍ଥାବିତ ଠିପିଖୋଲା ମଦ ଦୋକାନକୁ ବିରୋଧକରି ବିଂଝାରପୁର ବ୍ଲକ ଅରେଇ ଗ୍ରାମ ପଂଚାୟତର ମହିଳାସରପଂଚ ସ୍ମୃତିସମୀକ୍ଷା ମଲ୍ଲିକ ବିରୋଧ କରିବା ସହ ଜିଲ୍ଲାପାଳଙ୍କୁ ଏନେଇ ଦାବିପତ୍ର ପ୍ରଦାନ କରିଛନ୍ତି ।
ମଦଦୋକାନ ହେଲେ ପଂଚାୟତର ଅନେକ ଲୋକ ସମସ୍ୟାରେ ପଡିବା ସହ ହରିଜନ ସାହି ପ୍ରଭାବିତ ହେବ । ତେଣୁଏପରି ସ୍ଥାନରେ ମଦ ଦୋକାନକୁ ବିରୋଧ କରିବା ସହ ଆଗାମୀ ଦିନରେ ପଂଚାୟତବାସୀଙ୍କ ସ୍ୱାର୍ଥ ପାଇଁଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ।
