ବୌଦ୍ଧ:(ଚିତ୍ତରଞ୍ଜନ ସିଂହ)ବୌଦ୍ଧ ଜିଲ୍ଲା, କଣ୍ଟାମାଳ ବ୍ଲକ୍ ଅନ୍ତର୍ଗତ କୁଲୁତାଯୋର ପଞ୍ଚାୟତ ସ୍ଥିତ ଟପର୍ଣ୍ଣା ନିକଟସ୍ଥ ତେଲ ନଦୀ ଆମ୍ବତୋଟାରେ ଆଇକାର୍ଡ଼ା ଦ୍ଵାରା ଆୟୋଜିତ କୃଷକ କ୍ଷେତ୍ର ଦିବସ ପାଳିତ ହୋଇଯାଇଛି। ଏଥିରେ ଘଣ୍ଟାପଡ଼ା ଜୋନର ୮ଟି ପଞ୍ଚାୟତର ଆଇକାଡ଼ା ଦ୍ଵାରା ଅନୁବନ୍ଧିତ କୃଷକ ସଂଘର ସଭାପତି ଓ ସଂପାଦକଙ୍କୁ ନେଇ ପାଳିତ ଦିବସରେ ମୁଖ୍ଯଅତିଥିଭାବେ କଣ୍ଟାମାଳଦା ଭାରପ୍ରାପ୍ତ ବ୍ଲକ କୃଷି ଅଧିକାରୀ ଚାନ୍ଦିନୀ ପ୍ରଧାନ ଯୋଗଦେଇ ଓଡ଼ିଶା ସରକାର କୃଷକମାନଙ୍କ ପାଇଁ ଉଦ୍ଦିଷ୍ଟ ବିଭିନ୍ନ ଯୋଜନା ବିଷୟରେ ଆଲୋକପାତ କରାଇଥିଲେ।

ସେହିପରି ଆଇକାଡ଼ାର ବୌଦ୍ଧ ଜିଲ୍ଲା ନିର୍ଦ୍ଦେଶକ ଜ୍ଞାନପ୍ରକାଶ ବାରିକ ଯୋଗଦେଇ ଖରିଫ ଋତୁରେ ଯୋଗାଇ ଦିଆଯାଇଥିବା ହରଡ଼ ବିହନରେ ଉପକୃତ ଚାଷୀମାନଙ୍କ ସହିତ ସିଧାସଳଖ କଥାବାର୍ତ୍ତା କରିଥିଲେ ଓ ଚଳିତ ବର୍ଷ ବୈଜ୍ଞାନିକ ପ୍ରଣାଳୀରେ ଚାଷ କରିବାକୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ କୁଲୁତାଯୋରର ଗ୍ରାମ୍ୟ କୃଷି କର୍ମଚାରୀ ରାଧାବଲ୍ଲଭ ରଣା, ଚାଷୀନେତା ତଥା ନାରାୟଣପ୍ରସାଦ ସରପଞ୍ଚ ପ୍ରତିନିଧୂ ସତ୍ଯ ନାରାୟଣ ମାଝୀ, ଆଇକାଡାର କଣ୍ଟାମାଳ ପ୍ରକଳ୍ପ ସଂଯୋଜକ ଶ୍ରୀମତୀ ସଙ୍ଗିତା ମେହେର ଓ କଣ୍ଟାମାଳ କୃଷି ସହାୟକ ପ୍ରକାଶ କୁମାର ସାହୁ ଯୋଗଦେଇ ଚାଷ ଓ କୃଷକର କର୍ତ୍ତବ୍ୟ ବିଷୟରେ ବକ୍ତବ୍ୟ ରଖିଥିଲେ।