ଯାଜପୁର :(ଆନନ୍ଦ ଚନ୍ଦ୍ର ସାହୁ )ଯାଜପୁର ବିରଜା କଲ୍ୟାଣ ମଣ୍ଡପ ରେ ମାସିକ ପତ୍ରିକା ରାଜଭୂମି ର ଶୁଭ ଉନ୍ମୋଚନ ହୋଇଯାଇଛି । ଚଳିତ ସଂକଳନଟି ଓଡିଶାର ଅନ୍ୟତମ ସ୍ୱାଭିମାନି ଓ ସାଲିସ ବିହିନ ନେତା ମୁକୁଟବିହୀନ ସମ୍ରାଟ, ଅଶୋକ ଦାସ ଙ୍କ ରାଜନୈତିକ ଜୀବନୀ ଉପରେ ଆଧାରିତ ହୋଇଛି । ଏହି ଅବସରରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ସମାଜସେବୀ କର୍ଣ୍ଣାଟ କେଶରୀ ଦାସ ଙ୍କ ଦ୍ୱାରା ଉନ୍ମୋଚିତ ହୋଇଥିଲା । ଏହି ମାସିକ ପତ୍ରିକା ର ପ୍ରକାଶକ ପବିତ୍ର ବ୍ରହ୍ମପୁତ୍ର ନାଏକ ଉପସ୍ଥିତ ରହି ପତ୍ରିକା ବିଷୟରେ ସମ୍ୟକ ସୂଚନା ଦେଇଥିଲେ ।
ଉନ୍ମୋଚନ ସଭାରେ ବରୁଣେଶ୍ୱର କଲେଜ ର ଅଧକ୍ଷ ପ୍ରପେଂସର ବଟକୃଷ୍ଣ ମହାପାତ୍ର, ଯାଜପୁର ପୌରାଂଚଳ ର ଉପାଧକ୍ଷ ସନ୍ତୋଷ ମଲ୍ଲିକ ,ସାମ୍ବାଦିକ ଅରୁଣ କୁମାର ରାଉତରାୟ,ଅଜୟ ରଣା,ବରିଷ୍ଠ ଆଇନଜିବି ସମରେନ୍ଦ୍ର ଦାସ ପ୍ରମୁଖ ଉପସ୍ଥିତ ରହିଥିଲେ । ଏହି ପତ୍ରିକା ରେ ସ୍ୱର୍ଗତ ଦାସଙ୍କ ଅନେକ ଅନାଲୋଚିତ ତଥ୍ୟ ସ୍ତାନ ପାଇଛି ଏବଂ ଏହାର ମାଧ୍ୟମରେ ସ୍ୱର୍ଗତ ଦାସଙ୍କ ସଂପର୍କରେ ଅନେକ ତଥ୍ୟ ଲୋକଙ୍କ ନିକଯରେ ପହଂଚିପାରିବ ବୋଲି ମତପ୍ରକାଶ ପାଇଥିଲା ।
