ବୌଦ୍ଧ:(ଚିତ୍ତରଞ୍ଜନ ସିଂହ)ଅପରାହ୍ନ ରେ ବୌଦ୍ଧ ଜ଼ିଲ୍ଲାପାଳ ଶ୍ରୀଯୁକ୍ତ ସତ୍ୟରଞ୍ଜନ ସାହୁ ବୌଦ୍ଧ ଜ଼ିଲ୍ଲା ର 5ଟି ଉଚ୍ଚ ବିଦ୍ୟାଳୟ ମନମୁଣ୍ଡା ଉଚ୍ଚ ବିଦ୍ୟାଳୟ, ଜନତା ଉଚ୍ଚ ବିଦ୍ୟାଳୟ, ଆମ୍ବଗାଁ, ବିଳାସପୁର ଉଚ୍ଚ ବିଦ୍ୟାଳୟ, ସମଲେଶ୍ୱରୀ ଉଚ୍ଚ ବିଦ୍ୟାଳୟ, ଘଣ୍ଟାପଡା ଏବଂ କଣ୍ଟାମାଲ ଉଚ୍ଚ ବିଦ୍ୟାଳୟ ର ଦଶମ ଶ୍ରେଣୀ ଛାତ୍ର, ଛାତ୍ରୀ ଏବଂ ସମସ୍ତ ଶିକ୍ଷକ, ଶିକ୍ଷୟତ୍ରୀ ମାନଙ୍କ ସହିତ ଆଲୋଚନା କରିଥିଲେ l ଏହି ଆଭାସୀ ବୈଠକ ରେ 5ଟି ବିଦ୍ୟାଳୟ ର 591 ଜଣ ଛାତ୍ରଛାତ୍ରୀ ଯୋଗ ଦେଇଥିଲେ l
ଚଳିତ ବର୍ଷ ମେଟ୍ରିକ ପରୀକ୍ଷା ରେ ଅଧିକ ନମ୍ବର ରଖି ଉତୀର୍ଣ୍ଣ ହେବା ପାଇଁ ଧାର୍ଯ୍ୟ ଲକ୍ଷ ରଖିବା ସହିତ ପ୍ରତ୍ୟେକ ବିଦ୍ୟାଳୟ ରୁ ଶତକଡ଼ା 30 ପ୍ରତିଶତ ନମ୍ବର ରଖିବା ପାଇଁ ଛାତ୍ରଛାତ୍ରୀ ମାନଙ୍କୁ ଜ଼ିଲ୍ଲାପାଳ ପରାମର୍ଶ ଦେଇଥିଲେ l ବିଶେଷ କରି ପିଲାମାନେ ତାଙ୍କ ର ସନ୍ତୁଳିତ ଆହାର ଠିକ ସମୟରେ ନେବା ସହିତ ଦୈନିକ ଖେଳ କସରତ କରି ଶରୀର କୁ ସୁସ୍ଥ ରଖିବା ପାଇଁ ଯୋଗ, ପ୍ରାଣାୟାମ କରି ନିଜ କୁ ଫିଟ ରଖିବା, ରାତିରେ ହାଲକା ଖାଦ୍ୟ ଗ୍ରହଣ, ସମୟ ର ସଦୁପଯୋଗ କରିବା, ପରୀକ୍ଷା ପାଇଁ ନିଜକୁ ପ୍ରସ୍ତୁତ ରଖିବା, ଦୈନିକ 10 ପୃଷ୍ଠା ର ଲେଖିବା ଅଭ୍ୟାସ ରଖିବା, ପରୀକ୍ଷା ସମୟ ରେ ନିଜ ଭାଷା ରେ ଉତ୍ତର ଲେଖିବା ସହିତ ଶୀଘ୍ର ଶୀଘ୍ର ଉତ୍ତର ଲେଖିବା ପାଇଁ ଜ଼ିଲ୍ଲାପାଳ ସମସ୍ତ ଛାତ୍ର, ଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ l
ଏଥି ପୂର୍ବରୁ ଚଳିତ ବର୍ଷ ଜ଼ିଲ୍ଲାପାଳ ଜ଼ିଲ୍ଲା ର 10 ଟି ବିଦ୍ୟାଳୟ ର ପ୍ରଧାନ ଶିକ୍ଷକ, ଶିକ୍ଷୟିତ୍ରୀ, କ୍ରୀଡା ଶିକ୍ଷକ,19ଜଣ ଛାତ୍ର, ଛାତ୍ରୀ ଙ୍କ ସହ ଆଲୋଚନା କରିଥିଲେ l ଏ ବର୍ଷ ମାଟ୍ରିକ ପରୀକ୍ଷା ରେ ଛାତ୍ର, ଛାତ୍ରୀ ଙ୍କ ସଫଳତା ବିଷୟରେ ଧ୍ୟାନ ଦେଇ 100 ପ୍ରତିଶତ ନମ୍ବର ରଖିବା ପାଇଁ ଜ଼ିଲ୍ଲାପାଳ ସମସ୍ତ ବିଦ୍ୟାଳୟ ର ଶିକ୍ଷକ, ଶିକ୍ଷୟିତ୍ରୀ ମାନଙ୍କୁ ମଧ୍ୟ ଯତ୍ନବାନ ରହିବା ପାଇଁ ପରାମର୍ଶ ଦେଇଥିଲେ l
