ଟିଟିଲାଗଡ଼:(ସଞ୍ଜୟ କୁମାର ନାୟକ) ଟିଟିଲାଗଡ଼ ସହର ମଧ୍ୟସ୍ଥ ଆଇ ଲାଭ ପାର୍କ ନିକଟରୁ ଜଣେ ବ୍ୟକ୍ତିଙ୍କ ଠାରୁ ଭୁବନେଶ୍ୱର ଏସଟିଏଫ ପକ୍ଷରୁ ୩୧ ଲକ୍ଷ ୨୭ ହଜାର ଟଙ୍କା ପାଞ୍ଚ ଶହ ଟଙ୍କା ଜବତ ସହ ଆଜି ଟିଟିଲାଗଡ଼ କୋର୍ଟ ଚାଲାଣ କରିଛି l ଏସଟିଏଫ ପକ୍ଷରୁ ସୂଚନା କ୍ରମେ କଳାହାଣ୍ଡି ଜିଲା କେଗାଁ ଥାନା ଅନ୍ତର୍ଗତ କଣ୍ଟାମାଲ ଗ୍ରାମର ଲିଙ୍ଗରାଜ ବେହେରା ଗତ 1 ତାରିଖ ରାତ୍ରୀ ୧୦ ଟାରେ ଟିଟିଲାଗଡ଼ ଠାରେ ନକଲି ନୋଟ ଅନ୍ୟ ଜଣଙ୍କୁ ହସ୍ତାନ୍ତର କରିବା ପାଇଁ ଜଗି ଥିଲେ l
ପୂର୍ବରୁ ସୂଚନା ପାଇ ଏସଟିଏଫ ଦଳ ଛକି ବସିଥିବା ବେଳେ ଅଚାନକ ଅଭିଯୁକ୍ତଙ୍କ ଉପରେ ମାଡି ବସିଥିଲେ l ଅଭିଯୁକ୍ତଙ୍କୁ ଗୋପନୀୟ ସ୍ଥାନରେ ଅଟକ ରଖି ଏସଟିଏଫ ଦଳ ପଚରାଉଚୁରା ଜାରି ରଖିଥିବା ବେଳେ ଆଜି କୋର୍ଟ ଚାଲାଣ କରିଛନ୍ତି l ଘଟଣା ନେଇ ଟିଟିଲାଗଡ଼ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି l ପୂର୍ବରୁ ନିୟମିତ ଅନ୍ତରରେ ସହରର ବିଭିନ୍ନ ବ୍ୟାଙ୍କରେ ନକଲି ନୋଟ ଧରା ପଡୁଥିବା ବେଳେ ଏତେ ମାତ୍ରାରେ ନକଲି ନୋଟ ସହ ଅଭିଯୁକ୍ତ ଏସଟିଏଫ ଧରା ପଡିବା ଚର୍ଚ୍ଚାର ବିଷୟ ହୋଇଛି।
