ଯାଜପୁର:ଯାଜପୁର ବ୍ଳକ୍ ଭୁବନେଶ୍ୱରପୁର ପଂଚାୟତସ୍ଥ ଉତ୍କଳ ଯୁବ ପରିଷଦ କବାଡ଼ି ପଡ଼ିଆରେ ଚତୁର୍ଥ ଅଲ୍ ଓଡ଼ିଶା ଅଶୋକ ଦାସ ମେମୋରିଆଲ୍ ପୁରୁଷ ଓ ମହିଳା କବାଡ଼ି ଟୁର୍ଣ୍ଣାମେଂଟ ଉଦ୍ଘାଟିତ ହୋଇଯାଇଛି ଉଦ୍ଘାଟନୀ ଉତ୍ସବରେ ମୁଖ୍ୟଅତିଥିଭାବେ ଯାଜପୁର ପୌର ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ, ଯାଜପୁର ବ୍ଳକ୍ ଅଧ୍ୟକ୍ଷା ସ୍ୱର୍ଣ୍ଣଲତା ପରିଡ଼ାଙ୍କ ସହ ଯାଜପୁର ଜିଲ୍ଲାର ସମସ୍ତ ବ୍ଳକ୍ର ପଂଚାୟତ ସମିତି ଅଧ୍ୟକ୍ଷ ଓ ଅଧ୍ୟକ୍ଷା ପ୍ରମୁଖ ଏହି କବାଡ଼ି ଟୁର୍ଣ୍ଣାମେଂଟକୁ ଉଦ୍ଘାଟନ କରିଥିଲେ ।
ଅନ୍ୟମାନଙ୍କ ମଧ୍ୟରେ ବରିଷ୍ଠ ବିଜେଡ଼ି ନେତା ତୁଷାରକାନ୍ତ ପରିଡ଼ା, ସରପଂଚ ମନଦୀପା ରାୟ, ୩୦ନଂ ଜୋନ ଜିଲ୍ଲା ପରିଷଦ ସଭ୍ୟା ସୁନୀତା ରାଉତ ପ୍ରମୁଖ ଉପସ୍ଥିତ ଥିଲେ । ଏହି ରାଜ୍ୟସ୍ତରୀୟ ଦିବାରାତ୍ର କବାଡ଼ି ଟୁର୍ଣ୍ଣାମେଂଟରେ କିଟ୍, କଟକ, ଜଗତ୍ସିଂହପୁର, ଅନୁଗୁଳ ଆଦି ଅଂଚଳର ୮ଗୋଟି ପୁରୁଷ ଦଳ ଓ ୮ଗୋଟି ମହିଳା ଦଳ ଯୋଗ ଦେଇଛନ୍ତି । ଆସନ୍ତା ୨୯ତାରିଖରେ ଟୁର୍ଣ୍ଣାମେଂଟର ଫାଇନାଲ ମ୍ୟାଚ ଅନୁଷ୍ଠିତ ହେବ ।
