ଖପ୍ରାଖୋଳ :୨୬.୦୧ ( ତାପସ ରଞ୍ଜନ ବେହେରା) ଖପ୍ରାଖୋଲ ବ୍ଲକ ପଡିଆବାହାଲ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ରେ ୭୪ ତମ ଗଣତନ୍ତ୍ର ଦିବସ ଓ ସରସ୍ୱତୀ ପୂଜା ପାଳିତ ହୋଇ ଯାଇଛି ।
ଏହି ଅବସର ରେ ପ୍ରଧାନ ଶିକ୍ଷକ ଜୟପାଳ ବେହେରା ଙ୍କ ଅଧ୍ଯକ୍ଷତାରେ ସଭା ଆୟୋଜିତ ହୋଇଥିଲା ସଭାରେ ମୁଖ୍ୟ ଅତିଥି ରୂପେ ପଡିଆବାହାଲ ସରପଂଚ ଶ୍ରୀ ଦେବରାଜ ପଧାନ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଗ୍ରାମର ଗଉନନ୍ତିଆ ଫକୀର ମୋହନ ପଧାନ, ସମ୍ମାନିତ ଅତିଥି ରୂପେ ପଡିଆବାହାଲ ସି.ଆର୍.ସି.ସି ଶ୍ରୀ ସନାତନ ବାରିକ, ସଭାପତି ଶ୍ରୀ ସଦାନନ୍ଦ ପଧାନ ଯୋଗ ଦେଇଥିଲେ । ଏହି ଅବସରରେ ପୂର୍ବରୁ ହୋଇଥିବା ବାର୍ଷିକ କ୍ରୀଡା ପ୍ରତିଯୋଗିତା ରେ ସଫଳତା ପାଇଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
ବିଦ୍ଯାଳୟ ପରିଚାଲନା କମିଟି ର ସମସ୍ତ ସଦସ୍ଯ ସଦସ୍ଯା ଯୋଗ ଦେଇ ଥିଲେ । ଶେଷ ରେ ଛାତ୍ରଛାତ୍ରୀ ମାନଙ୍କ ଦ୍ବାରା ରଂଗାରଂଗ କାର୍ଯ୍ୟକ୍ରମ ରେ ନାଚ, ଗୀତ ର ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।ଉପେନ୍ଦ୍ର ପଧାନ , ପ୍ରଦୀପ୍ କୁମ୍ଭାର , ଲେକ୍ରୁ ଓ ବିଦ୍ୟାଳୟ ର ସମସ୍ତ ଶିକ୍ଷକ, ଶିକ୍ଷୟିତ୍ରୀ ସହଯୋଗ କରି ଥିଲେ ।
