ବୌଦ୍ଧ:(ଚିତ୍ତରଞ୍ଜନ ସିଂହ)ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଘଣ୍ଟାପଡ଼ା ସ୍ଥିତ ଟିକେଏସଏମଆରଜି ଉଚ୍ଚ ମାଧ୍ୟମିକ ବିଦ୍ୟାଳୟରେ ଖେଳ ଶିକ୍ଷକ ରାଜକିଶୋର ଭୋଇଙ୍କ ତତ୍ତ୍ଵାବଧାନରେ ଗତ ତା୧୦/୧/୨୩ରିଖରୁ ୮ଦିନ ଧରି ଚାଲିଥିବା ମହିଳା ଆତ୍ମ ସୁରକ୍ଷା ଶିବିର ମଙ୍ଗଳବାର ଦିନ ଉଦଯାପିତ ହୋଇଯାଇଛି। ଉଦଯାପନୀ ଦିବସରେ ବିଦ୍ୟାଳୟ ସଭାଗୃହରେ ଅଧ୍ୟାପକ ଝସକେତନ ଡାଙ୍ଗଙ୍କ ସଭାପତିତ୍ଵରେ ଶିବିରାର୍ଥୀ ଛାତ୍ରୀଙ୍କୁ ନେଇ ଏକ ସଭାର ଆୟୋଜନ କରାଯାଇଥିଲା।
ଉକ୍ତ ସଭାରେ ସ୍ଥାନୀୟ ବିଦ୍ୟାଳୟର ଅଧ୍ୟକ୍ଷ ପରମାନନ୍ଦ ଡାଙ୍ଗ ମୂଖ୍ୟ ଅତିଥିଭାବେ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ସ୍ଥାନୀୟ ଗଣମାଧ୍ଯମ ପ୍ରତିନିଧୂପ ପ୍ରଭାତ କୁମାର ସାହୁ ଯୋଗଦେଇ ବକ୍ତବ୍ୟ ରଖିଥିଲେ ଯେ ଜଣେ ନାରୀ ବୁଦ୍ଧି, ବଳ ଓ କଉଶଳ ଦ୍ଵାରା ହିଁ ସୁରକ୍ଷିତ ହୋଇପାରିବ। ସେହିପରି ସମ୍ମାନିତ ଅତିଥିଭାବେ ଅଧ୍ୟାପିକା ସସ୍ମିତା ଖ୍ବାସ ଓ ମାଷ୍ଟର ଟ୍ରେନର ପଞ୍ଚଦିନୀ ଜାନୀ ଯୋଗଦେଇ ଆତ୍ମସୁରକ୍ଷା ଉପରେ ମନ୍ତବ୍ୟ ରଖିଥିଲେ।ପରେ ସମସ୍ତ ଛାତ୍ରୀଙ୍କୁ ଅତିଥିମାନଙ୍କ ଦ୍ଵାରା ପ୍ରମାଣପତ୍ର ବଣ୍ଟନ କରାଯାଇଥିଲା। ଉକ୍ତ ଶିବିରରେ କିରାଣୀ ଅଶୋକ ଦେହୁରୀ ଧନ୍ୟବାଦ ଦେଇଥିବାବେଳେ ବିଦ୍ୟାଳୟର ସମସ୍ତ କର୍ମଚାରୀ ସହଯୋଗ କରିଥିଲେ।
