ଭୁବନେଶ୍ୱର ୧୪|୧୧: ଭୁବନେଶ୍ୱର ବିମାନ ବନ୍ଦରରୁ ପୁଣି ସୁନା ଜବତ ହୋଇଛି । ଜବତ ସୁନାର ଆନୁମାନିକ ମୂଲ୍ୟ ପ୍ରାୟ ୫୧ ଲଷ ଟଙ୍କା ବୋଲି କୁହାଯାଉଛି । ୧ କିଲୋ ୩ଶହ ୧୦ ଗ୍ରାମର ସୁନା ଜବତ ହୋଇଛି ।ମାଲେସିଆର ରାଜଧାନୀ କ୍ୱାଲାଲମ୍ପୁରରୁ ଆସିଥିବା ଜଣେ ଯାତ୍ରୀଙ୍କଠାରୁ ଏତେ ପରିମାଣର ସୁନା ଜବତ କରିଛି କଷ୍ଟମ୍ସ ବିଭାଗ। ଜବତ ସୁନାର ଓଜନ ୧ କେଜି ୩ ଶହ ଗ୍ରାମ୍ ହେବ।
କେରଳ କୋଝିକଡ଼ର ଜଣେ ବ୍ୟକ୍ତି ସୁନାକୁ ପାଉଡ଼ରରେ ପରିଣତ କରି ଏହାକୁ ନିଜ ଶରୀରରେ ଲୁଚାଇ ଆଣୁଥିବା ବେଳେ ଚେକିଂ ବେଳେ ଧରା ପଡ଼ିଛନ୍ତି।କ୍ୱାଲାଲୁମ୍ପୁରଠାରୁ ଭୁବନେଶ୍ୱର ଆସୁଥିବା ଜଣେ ଯାତ୍ରୀ ବେଆଇନ ଭାବେ ସୁନା ନେଇ ଆସିଥିବା କଷ୍ଟମ ବିଭାଗକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା। ବିମାନ ପହଂଚିବା ପରେ ବିଭାଗୀୟ ଅଧିକାରୀମାନେ ସଂପୃକ୍ତ ଯାତ୍ରୀଙ୍କୁ ଯାଞ୍ଚ କରିଥିଲେ। ବିମାନ ଯାତ୍ରୀ କେରଳର କୋଝିକୋଡ଼ ବୋଲି ଜଣାପଡ଼ିଛି। ତାଙ୍କ ଠାରୁ ୧ କିଲୋ ୩ ଶହ ୧୦ ଗ୍ରାମ ସୁନା ଜବତ ହୋଇଛି। ସଂପୃକ୍ତ ଯାତ୍ରୀଙ୍କୁ କଷ୍ଟମସ୍ ବିଭାଗ ଅଟକ ରଖି ପଚରାଉଚରା କରୁଛି।
