ଖପ୍ରାଖୋଲ: ୨୫/୧୧ ( ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ସ୍ଥାନୀୟ ଉପବଜାର ପ୍ରାଙ୍ଗଣ ଠାରେ ଖରିଫ ଧାନ ମଣ୍ଡି ବଲାଙ୍ଗିର ଜିଲ୍ଲାପାଳ ଚଞ୍ଚଳ ରାଣା ଙ୍କ ଦ୍ଵାରା ଶୁକ୍ରବାର ଉଦଘାଟିତ ହୋଇଯାଇଛି । ଏହି ଅବସରରେ ପୂଜା ପାଠ ସହ ଜିଲ୍ଲାପାଳ ନଡ଼ିଆ ଭାଙ୍ଗି ମଣ୍ଡି ଉଦଘାଟିତ କରିଥିଲେ । ଜିଲ୍ଲାରେ ଚଳିତ ବର୍ଷ ଖପ୍ରାଖୋଲ ରେ ପ୍ରଥମ କରି ଧାନ ମଣ୍ଡି ଆଗୁଆ ଆରମ୍ଭ ହୋଇଥିବା ବେଳେ ଚାଷି ମାନେ କିଭଳି ନିଜ ଉତ୍ପାଦିତ ଧାନ ଠିକ ଭାବରେ ବିକିପରିବେ ସେ ନେଇ କହିଥିଲେ ।
ଏହି ଅବସରରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା ଯୋଗାଣ ଅଧିକାରୀ ମିର ରାଜା ଅଲ୍ଲି, ପାଟଣାଗଡ ଉପଜିଲ୍ଲପାଳ ଡ଼ ବିଜୟାନନ୍ଦ ସେଠି , ଡି ଆର ସି ଏସ ଦମୟନ୍ତୀ ସିଂ , ଖପ୍ରାଖୋଲ ବି ଡି ଓ ରଶ୍ମିରଞ୍ଜନ ରାଉତ , ଉପଖଣ୍ଡ ଯୋଗାଣ ଅଧିକାରୀ ମାୟାଧର ସାହୁ, ଏ ଆର୍ ସି ଏସ ମିତ୍ରଭାନୁ ବିଶ୍ଵାଳ, ବ୍ଲକ ଯୋଗାଣ ନୀରିକ୍ଷକ ବିକାଶ ବର୍ଲା, ଆର୍ ଏମ ସି ସେକ୍ରେଟାରୀ କେ ଗଡତ୍ୟା , ପେସ୍କ ସଭାପତି ଗୁଣମଣି ଭୋଇ , ସମ୍ପାଦକ ଶ୍ରୀପତି ଭୋଇ ସମେତ ଚାଷୀ ମାନେ ଉପସ୍ଥିତ ଥିଲେ । ଏହି ଅବସରରେ ଚାଷି ସଂଗଠନ ତରଫରୁ ଏକ ଦାବିପତ୍ର ଜିଲ୍ଲାପାଳ ଙ୍କୁ ପ୍ରଦାନ କରିଥିଲେ ।
ଗତ ବର୍ଷ ଧାନ କିଣା ବିକା ରେ ଚଷି ମାନେ ଭୋଗିଥିବା ସମସ୍ୟା ଉପସ୍ଥାନ କରିବା ସହ ଚଳିତ ବର୍ଷ ଧାନ ବିକ୍ରି ଟୋକନ୍ ରେ ଜମି ତୁଳନା ରେ କମ୍ ଧାନ ଆସିଥିବା ଅଭିଯୋଗ କରିଥିଲେ। ତୁରନ୍ତ ସମସ୍ୟା ର ସମାଧାନ ର ପ୍ରତିଶୃତି ଦେବାସହ ମଣ୍ଡି ଠିକ୍ ରେ ଚାଲିବାକୁ କହିଥିଲେ। ସେହି ପରି କଟନି ଛଟନି ପ୍ରଶ୍ନ ର ଉତ୍ତର ରେ ସବୁ ଚାଷୀ ଏଫ୍ ଏ କ୍ୟୁି ମାନର ଧାନ ଦିଅନ୍ତୁ ଉଚିତ୍ ମୂଲ୍ୟ ନିଅନ୍ତୁ ବୋଲି କହିଥିଲେ। ଚାଷୀ ସଂଘ ସଭାପତି ମୋହନ ସୁନା, ସୂର୍ଯ୍ୟକାନ୍ତ ସାହୁ, କମ୍ବୁ ଭୋଇ, ବାବୁଲାଲ ଭୋଇ, ତରଣି ସାହୁ ପ୍ରମୁଖ ଉପସ୍ଥିତ ଥିଲେ।
