ଧର୍ମଗଡ଼:(ହେମନ୍ତ କୁମାର ମାଝୀ)ଅଲ୍ ଓଡିଶା ଅଙ୍ଗନୱାଡି ଲେଡିଜ୍ ୱାର୍କର ଆସୋସିଏସନ୍ ପକ୍ଷରୁ ଆଠ ଦଫା ଦାବି ନେଇ ସୋମବାର ଦିନ ଭୁବନେଶ୍ୱର ଠାରେ ଆନ୍ଦୋଳନରେ ବସିଛନ୍ତି କର୍ମୀ।ସୂଚନା ଅନୁସାରେ ଗତକାଲି ଆନ୍ଦୋଳନ ପରେ ସରକାର ତରଫରୁ ଆଲୋଚନା କରିବା କୁ ପ୍ରସ୍ତାବ ଆସିଥିଲା। ସଂଘ ର ପାଞ୍ଚ ଜଣିଆ ଟିମ ଆଲୋଚନା ରେ ଭାଗ ନେଇ ଥିବା ବେଳେ ସରକାର ପକ୍ଷରୁ କୌଣସି ନିର୍ଣ୍ଣାୟକ ସମାଧାନ ହୋଇପାରିନାହିଁ।ସରକାର ପକ୍ଷରୁ ପ୍ରତିନିଧିତ୍ୱ କରିଥିବା ସଚିବ ୨ମାସ ପରେ ଦାବୀ ଉପରେ ବିଚାରକକୁ ନିଆଯିବ ବୋଲି କହିଥିବା ନେଇ ସଂଘ କ୍ଷୁବ୍ଧ ପ୍ରକାଶ କରି ଦାବୀ ପୁରଣ ନ ହେବା ଯାଏ ଆନ୍ଦୋଳନ କୁ ତୀବ୍ରତର କରିବା ନିଷ୍ପତ୍ତି ନେଇଛି।
ପ୍ରତେକ ବ୍ଲକ ଶିଶୁ ବିଭାଗ କାର୍ଯ୍ୟଳୟ ଠାରେ ଅଙ୍ଗନବାଡି କର୍ମୀ ଆନ୍ଦୋଳନ କୁ ଜାରି ରଖିବା ସୂଚନା ମିଳିଛି। ଏପରିପେକ୍ଷି ରେ ଧର୍ମଗଡ ବ୍ଲକ ଅନ୍ତର୍ଗତ ୧୯୪ ଟି ଅଙ୍ଗନୱାଡି କେନ୍ଦ୍ର ରେ ତାଲା ଝୁଲୁଥିବା ବେଳେ ମଙ୍ଗଳବାର ଦିନ ଶହ ଶହ ଅଙ୍ଗନବାଡି କର୍ମୀ ଶିଶୁ ବିଭାଗ କାର୍ୟ୍ଯଲୟ ସମ୍ମୁଖରେ ଆନ୍ଦୋଳନ ଜାରି ରଖିଛନ୍ତି। ଅନିର୍ଦ୍ଦିଷ୍ଟ କାଳ ପାଇଁ ଏହି କାର୍ଯ୍ୟବନ୍ଦ ଡାକରା ଯୋଗୁଁ ହଜାର ହଜାର ହିତାଧିରୀ ଅଙ୍ଗନବାଡି ସେବା ରୁ ବଞ୍ଚିତ ହେବା ଆଶଙ୍କା ଦେଖାଦେଇଛି । ଧର୍ମଗଡ ଶିଶୁ ବିଭାଗ ଅଧୀନରେ ମୋଟ ୧୫,୪୧୭ଜଣ ଶିଶୁ ଥିବାବେଳେ ୮ହଜାର ୬ଜଣ ପ୍ରାକ ବିଦ୍ୟାଳୟ ଶିଶୁ ରହିଛନ୍ତି।
ସେହିପରି ବିଭାଗ ଅଧୀନରେ ମୋଟ ୧୩୯୩ଜଣ ଗର୍ଭବତୀ ଓ ୧୦୪୩ଜଣ ପ୍ରସୂତି ଥିବା ବିଭାଗ ସୂତ୍ରରୁ ଜଣାପଡେ।ଭାରତୀୟ ମଜଦୂର ସଂଘ ଦ୍ଵାରା ପରିଚାଳିତ ଅଲ ଓଡିଶା ଅଙ୍ଗନୱାଡି ଲେଡିଜ୍ ୱାର୍କର ଆସୋସିଏସନ୍ ର ଆହ୍ବାନ କ୍ରମେ ଅଙ୍ଗନୱାଡ଼ି କେନ୍ଦ୍ର ରେ ନିୟୋଜିତ ସମସ୍ତ କର୍ମୀ, ସହାୟିକା ଓ ପାଚିକା ମାନେ କାର୍ଯ୍ୟ ବନ୍ଦ ଆନ୍ଦୋଳନରେ ସାମିଲ ହୋଇଛନ୍ତି। ଧର୍ମଗଡ ସମନ୍ୱିତ ଶିଶୁ ବିକାଶ କାର୍ଯ୍ୟଳୟ ସମ୍ମୁଖରେ ଆନ୍ଦୋଳନ ଜାରି ରଖି ନିଜ ଦାବି ଉପସ୍ଥାପନ କରିଛନ୍ତି ।ଇତି ମଧ୍ୟରେ ସରକାର କଡା ଆଭିମୁଖ୍ୟ ରଖିଥିଲେ।ଗତ ରବିବାର ଦିନ ଓଡ଼ିଶା ସରକାର ପକ୍ଷରୁ କଡା ଚେତାବନୀ ସ୍ୱରୂପ ଅଙ୍ଗନବାଡି କର୍ମୀ ମାନେ କେନ୍ଦ୍ର ଗୁଡ଼ିକ ନ ଖୋଲି ଆନ୍ଦୋଳନ କରୁଛନ୍ତି ।
