ଟିଟିଲାଗଡ:(ସଞ୍ଜୟ କୁମାର ନାୟକ)ଦୀର୍ଘ ୩୦ ବର୍ଷର ଦାବି ହେଉଛି ଟିଟିଲାଗଡ ସହରକୁ ଜିଲ୍ଲା କରାଯାଉ, କିଛି ଦିନ ତଳେ ମୁଖ୍ୟମନ୍ତ୍ରୀ ପଦ୍ମପୁରକୁ ଡିସେମ୍ବର ୨୦୨୩ ସୁଦ୍ଧା ଜିଲ୍ଲା ଘୋଷଣା କରିବାକୁ କହିବା ପରେ ଟିଟିଲାଗଡରେ ପୁଣି ତେଜିଛି ଜିଲ୍ଲା ଦାବି।ପୂର୍ବରୁ ୨୦୧୪ ମସିହାରେ ମାର୍ଲାଡ ବ୍ରିଜ ଉଦଘାଟନ ସମୟରେ ମୁଖ୍ୟମନ୍ତ୍ରୀ ନିଜେ ଅତି ଶୀଘ୍ର ଜିଲ୍ଲା ଘୋଷଣା କରାଯିବ କହିଥିଲେ କିନ୍ତୁ କରି ନ ଥିଲେ, ପୁଣି ୨୦୧୯ ମସିହାରେ ଟିଟିଲାଗଡର ବିଧାୟିକା ଶ୍ରୀମତି ଟୁକୁନି ସାହୁଙ୍କ ସହ ଏକ ଟିମ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ, ତା ସହ ଟିଟିଲାଗଡରୁ ଭୁବନେଶ୍ଵରର ଯାଏଁ ଚାଲି ଚାଲି ଯାଇ ମୁଖ୍ୟମନ୍ତ୍ରୀଙ୍କୁ ଭେଟି ସମାଜସେବୀ ରଞ୍ଜନ ଖୁଆସ ଏହି ଦାବି କରିଥିଲେ, ସେତେବେଳେ ବି ମୁଖ୍ୟମନ୍ତ୍ରୀ ଆଇ ୱିଲ ଏକ୍ଜାମିନ ବୋଲି କହିଥିଲେ କିନ୍ତୁ ଆଜି ଯାଏଁ ଘୋଷଣା କଲେ ନାହିଁ, କିନ୍ତୁ ପଦ୍ମପୁରରେ ଉପନିର୍ବାଚନ ହେବାକୁ ଥିବା ବେଳେ ୩୧ ନମ୍ୱର୍ ଜିଲ୍ଲା ହେବ ବୋଲି ଖବର ପାଇବା ପରେ ଟିଟିଲାଗଡରେ ପୁଣି ଏହି ଦାବି ଯୋର ଧରିଛି।
ରବିବାର ଦିନ ଜିଲ୍ଲା କ୍ରିୟାନୁଷ୍ଠାନ କମିଟି ପକ୍ଷରୁ ଏକ ବୈଠକ ମଧ୍ୟ ଅନୁଷ୍ଠିତ ହୋଇ, ସହରର ସବୁ ଅନୁଷ୍ଠାନ, ସମସ୍ତ ରାଜନୈତିକ ଦଳର ନେତା, ସମାଜସେବୀ, ଆନ୍ଦୋଳନକାରିଙ୍କ ମତାମତ ନିଆଯାଇଥିଲା। ତେବେ ଆଜି ଟିଟିଲାଗଡ ବିକାଶ ସେନା ସଭାପତି ଇ ଅମ୍ଳାନ ଷଡ଼ଙ୍ଗୀଙ୍କ ନେତୃତ୍ବରେ ବିଶାଳ ସ୍ୱାଭିମାନ ରେଲି ଅନୁଷ୍ଠିତ ହୋଇଥିଲା, ଯେଉଁଥିରେ ଶହ ଶହ ଯୁବକ ବାଇକରେ ବାହାରି ଟିଟିଲାଗଡ ଜିଲ୍ଲା ଆମର ଦାବି ସ୍ଲୋଗାନ ଦେଇ ସହର ପରିକ୍ରମା କରିବା ପରେ ଟିଟିଲାଗଡ ଉପଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ନିକଟକୁ ଏକ ଦାବିପତ୍ର ପ୍ରଦାନ କରିଛନ୍ତି।
ଉପଜିଲ୍ଲାପାଳ ଅନୁପସ୍ଥିିତିରେ ସହାୟକ ଜିଲ୍ଲାପାଳ ଡ଼ ଲଳିତ ବାଗଙ୍କୁ ଦବିପତ୍ର ପ୍ରଦାନ କରିଥିଲେ।ସେହିପରି ପଦଯାତ୍ରା କରି ଟିଟିଲାଗଡକୁ ଜିଲ୍ଲା ମାନ୍ୟତା ଘୋଷଣା କରିବାକୁ ଭୁବନେଶ୍ଵରକୁ ଚାଲି ଚାଲି ଯାଇଥିବା ସମାଜସେବୀ ରଞ୍ଜନ କୁମାର ଖୁଆସଙ୍କ ବିବାହ ଭୋଜି ଅବସରରେ ଆସିଥିବା ଅତିଥିଙ୍କ ଦ୍ଵାରା ପ୍ଲା କାର୍ଡ ଧରି ଟିଟିଲାଗଡ ଜିଲ୍ଲା ଆମର ଦାବି ଧରିଥିବା ଦେଖିବାକୁ ମିଳିଛି।
