ଭୁବନେଶ୍ବର :(ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ) କୋରାପୁଟ ଜିଲ୍ଲା ବୋରିଗୁମ୍ମା ବ୍ଳକ ଅନ୍ତର୍ଗତ କଣାଗାଁ ପଞ୍ଚାୟତ ରେ ଆଜି ଅଭିଯୋଗ ତଥା ପରାମର୍ଶ ଶିବିର ଅନୁଷ୍ଠିତ ହୋଇଥିଲା। ବ୍ଳକ ରେ ପ୍ରତି ସୋମବାର ଦିନ ଅଭିଯୋଗ ତଥା ସଚେତନତା ଶିବିର କରିବା ପାଇଁ ଜ଼ିଲ୍ଲାପାଳ ଙ୍କ ନିର୍ଦ୍ଦେଶ ଥିବାବେଳେ ଆଜି ବୋରିଗୁମ୍ମା ବ୍ଲକ ର ଅଭିଯୋଗ ତଥା ସଚେତନତା ଶିବିର କଣାଗାଁ ପଞ୍ଚାୟତ ରେ ଅନୁଷ୍ଠିତ ହୋଇଯାଇଛି ।ସ୍ଥାନୀୟ ସରପଞ୍ଚ ଦେବକୀ ଭତରା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମ ରେ ବିଭିନ୍ନ ବିଭାଗ ଯଥା ବ୍ଳକଏବିଡ଼ିଓ ମାଧୁରୀ ଅଚାରୀ, ଏମ ଆଇ ବିଶ୍ୱଜିତ ଦାସ,ତହସିଲ, କୃଷି, ଶିକ୍ଷା, ସ୍ୱାସ୍ଥ୍ୟ, ମୃତ୍ତିକା ସଂରକ୍ଷଣ ବିଭାଗ, ଜଙ୍ଗଳ ବିଭାଗ , ଭେଟେନାରୀ ବିଭାଗ ର ଅଧିକାରୀ ମାନେ ଯୋଗ ଦେଇଥିଲେ।
କଣାଗାଁ ପଞ୍ଚାୟତ ଠାରେ ଗ୍ରାମବାସୀ ଙ୍କ ଦ୍ୱାରା ବିଭିନ୍ନ ସମସ୍ୟା ର ଅଭିଯୋଗ ହୋଇଥିଲା ଯଥା ଭତ୍ତା, ପାନୀୟଜଳ ,ପ୍ରଧାନମନ୍ତ୍ରୀ ଆବାସ ଯୋଜନା,ମନରେଗା ଯୋଜନାରେ ଠିକ ସମୟରେ ଟଙ୍କା ପାଇବା ପାଇଁ ଅଭିଯୋଗ ପତ୍ର ରେ ଦର୍ଶାଯାଇଥିଲା ଖୁବ ଶୀଘ୍ର ସମସ୍ତ ଅଭିଯୋଗ ର ସମାଧାନ କରିବା ପାଇଁ ଚେଷ୍ଟା କରାଯିବ ବୋଲି ଶିବିର ରେ ଆଲୋଚନା ହୋଇଥିଲା।ଜେଇ ତୃପ୍ତି ଦାସ ଓ କାର୍ଯ୍ୟ ନିର୍ବାହୀ ଅଧିକାରୀ ପୂର୍ଣ୍ଣ ଚନ୍ଦ୍ର ମୁଦୁଲି ଆଜିର କାର୍ଯ୍ୟକ୍ରମ ଟିକୁ ପରିଚାଳନା କରିଥିବା ବେଳେ ନାଏବ ସରପଞ୍ଚ ସୁନୀଲ ବିଷୋୟୀ ଗ୍ରାମ ରୋଜଗାର ସେବକ ଜଗବନ୍ଧୁ ନାୟକ ସମିତି ସଭ୍ୟ ପୂର୍ଣ୍ଣ ଭୂମିଆଁ ଓ ଅନ୍ୟାନ୍ୟ ବିଭାଗ ର ଅଧିକାରୀ ମାନେ ଏହି ଅଭିଯୋଗ ଓ ପରାମର୍ଶ ସଚେତନତା ଶିବିର ରେ ଉପସ୍ଥିତ ଥିଲେ।
